सीवान में मंगर के सबेरे करीब 7:30 बजे खाना बनावे के दौरान एगो महिला के देह में आग लाग गइल। घटना के बाद महिला गंभीर रूप से झुलस गइल। एकरा बाद आनन-फानन में महिला के सीवान सदर अस्पताल इलाज खातिर भर्ती करावल गइल बा। जहां उनकर इस्थिति नाजुक बन गइल बा। पूरा ममिला सीवान जिला के मुफस्सिल थाना क्षेत्र के मरकन टोला मोहल्ला के हs। घटना में पीड़ित महिला के पहचान मरकन टोला मोहल्ला निवासी संजीत साह के 32 साल के पत्नी काजल देवी के रूप में भइल बा।
दरअसल, घटना के संबंध में पीड़ित महिला के परिजन लोग बतावल कि मंगर के सबेरे महिला किचन में खाना बनावत रहली। एही तरे अचानक गैस सिलेंडर से चिंगारी निकले लागल। महिला जब ओकरा बंद करे खातिर लगे पहुंचली तs महिला के साड़ी में आग पकड़ लेलस। घटना के बाद महिला उहां से चिल्लात बाहर निकलली। जवना के बाद दरवाजा पs अलाव ताप रहल लोग आग से जर रहल महिला के कवनो तरे बचावल। घटना के बाद महिला बेहोश हो गइली, एकरा बाद परिजन आनन-फानन में ओकरा के लेके सीवान सदर अस्पताल पहुंचल लोग जहां उनकर इस्थिति गंभीर बनल बा।
करीब 40 फीसदी जर गइल बाड़ी महिला
घटना में बतावल गइल बा कि महिला के गोड़ पेट इत्यादि करीब 40 फीसदी तक जर गइल बा। देह के कइयन गो भाग में मोट छाला पड़ गइल बा घटना में ओकर इस्थिति गंभीर होखला के बाद डॉक्टर लोग सीवान सदर अस्पताल से हायर सेंटर रेफर कs दिहल गइल बा। ओहिजा घटना के बाद परिवार के लोगन में मायूसी छा गइल बा। दरअसल बतावल जात बा कि महिला चाय बनावे खातिर सबेरे जागल रहली। गैस के चूल्हा पs चाय बनावत रहली कि एही दौरान गैस सिलेंडर में लागल पाइप से अचानक चिंगारी निकले लागल। जवना के बाद महिला समझली की नीचे से गैस बंद करे से चिंगारी निकलल बंद हो जाई। एही प्रयास में महिला के साड़ी में आग लाग गइल। आग लगतही महिला के देह से लिपटल साड़ी धू-धू कs के जरे लागल।
