गोरखपुर के टॉप लस्सी के दोकान : एह तपत गर्मी में हम गोरखपुर के अइसन पांच गो दोकान के बारे में बतावे जा रहल बानी, जहाँ से बेहतरीन लस्सी मिली। गर्मी के दिन में रउवा इनकरा हीया के लस्सी पीये में बहुत मजा आई। कुछ जगहा रबड़ी में लस्सी होला तs कुछ जगह रबड़ी से लस्सी बनावल जाला। एह सब के दाम 50 रुपया बा।
गोरखपुर के असुरन चौक पs पहुंचला के बाद उहाँ लस्सी के दोकान देखाई दिही। एकरा के लाले भाई के लस्सी के नाम से जानल जाला। उनकर दोकान पर सबेरे दस बजे से रात नौ बजे तक भीड़ लागल रहेला। लस्सी के गुण अइसन बा कि लस्सी पीये खातिर ना खाए खातिर तइयार होला। एक गिलास लस्सी के दाम 50 रुपया बा आ एकरा ऊपर राबड़ी आ क्रीम डालल जाला।
गोरखपुर के बकशीपुर चौराहा पs पहुंचला के बाद दीपक भाई के लस्सी के दोकान देखाई दिही। दीपक भाई के इहां दही, मलाई आ रबरी मिला के लस्सी बनावल जाला। लोग राबड़ी मलाई ला पागल रहेला। एक गिलास लस्सी के दाम 40 रुपया बा। दोकान में आईल ग्राहक अमित के कहनाम बा कि इनकर रबड़ी लस्सी एतना अद्भुत बा आ स्वाद एतना गजब के बा कि ऊ पछिला 10 साल से इहाँ आवत बाड़े।
जदी रऊवा भी गोरखपुर शहर में फल लस्सी के आनंद लेवे के बा तs शहर के शास्त्री चौक पर स्थित अमृत्सरी कुलचे चोले के दुकान पर जाए के पड़ी। इहाँ मिक्सफ्रूट लस्सी आ ड्राई फ्रूट लस्सी बनावल जाला। एक लस्सी के दाम 50 रुपया बा। दोकान में आइल ग्राहक सुमित के कहनाम बा कि इनकर ड्राई फ्रूट लस्सी के स्वाद बहुत बढ़िया बा। ग्राहक के सोझा खुद दोकान में ही तैयार कइल जाला।
जदी रउरा गोरखपुर के स्वादिष्ट पेडा आ लस्सी के स्वाद लेबे के बा तs बरगदवा चौराहा पर बुढ़ऊ चाचा के दोकान पर जरूर जाईं । इहाँ रउवा के 50 रुपया में लस्सी आ अद्भुत पेडा मिली। इ सब ग्राहक के सोझा तैयार कइल जाला। ई काम 40, 50 साल से बेहद साफ-सफाई के साथ चल रहल बा।
