कोलकाता पुलिस के कहनाम बा कि आरजी कर अस्पताल के 31 साल के जूनियर डॉक्टर के संगे बलात्कार अवुरी हत्या के आरोपी संजय राय 8 अगस्त के रात सोनागाछी रेड लाइट इलाका में रहले, जहां उs शराब के सेवन कईले रहले। अस्पताल में सिविल वालंटियर के रूप में काम करेवाला आरोपी अवुरी संजय राय 8 अगस्त के रात, जवन कि घटना से एक रात पहिले सोनागाछी रेड लाइट इलाका में रहले। इहो जानकारी मिलल बा कि ऊ नशा में सड़क पs चलत एगो औरत से छेड़छाड़ कइले रहुवे आ ओकरा से नंगा फोटो भी मंगले रहुवे.
सुप्रीम कोर्ट में भईल सुनवाई, कोर्ट का कहलस?
अब सुप्रीम कोर्ट एह मामिला के अपना हाथ में ले लिहले बा आ सीबीआई से कहले बा कि 22 अगस्त ले पूरा घटना के रिपोर्ट दाखिल कs देव.
कोलकाता के एगो सरकारी अस्पताल में एगो डॉक्टर के संगे बलात्कार अवुरी हत्या के मामला के सुनवाई करत भारत के मुख्य न्यायाधीश डीवाई चंद्रचूड़ कहले कि देश के ओर से बलात्कार के एगो अवुरी मामला के इंतजार नईखे कइल जा सकत ताकि ‘जमीनी स्तर पs हालात बदलल जा सके’।
सुप्रीम कोर्ट बंगाल सरकार से भी कहलस कि विरोध करे वाला डॉक्टरन पs आपन अधिकार के इस्तेमाल मत करीं।
सुप्रीम कोर्ट कहले बा कि हमनी के एकरा संबंध में टास्क फोर्स बनावत बानी जा।
सीबीआई एs लोग से पूछताछ कईलस
सीबीआई आरजी कर मेडिकल कॉलेज के पूर्व प्रिंसिपल समेत संदिग्ध लोग से पूछताछ कईलस। आरजी कर मेडिकल कॉलेज एंड अस्पताल के प्रिंसिपल रहल डॉ संदीप घोष, संजय राय आ कोलकाता पुलिस के सहायक उपनिरीक्षक अनूप दत्ता, जिनकर रॉय के साथे फोटो सोशल मीडिया पs मिलल रहे, के सीबीआई के अधिकारी एजेंसी के साल्ट लेक सीजीओ कॉम्प्लेक्स कार्यालय में गिरफ्तार कs लिहले आ पूछताछ कइले.
हत्या के कुछ दिन बाद इस्तीफा देवे वाला संदीप घोष से इहो पूछल गईल कि घटना के बाद सेमिनार हॉल के नजदीक के कमरा के मरम्मत के आदेश के देले बा। सीबीआई एह बात के पता लगावे में लागल बिया कि एह अपराध के पीछे कवनो साजिश रहे कि ना सीबीआई ओह दिन ड्यूटी पs मौजूद डाक्टर आ इंटर्न से संदीप घोष के जवाब के पुष्टि करी.
