राजधानी में देर रात से भारी बरखा हो रहल बा। फिलहाल पूरा राजधानी डूबल बा। अइसन में सबेरे से सड़क पs जाम लागल रहे। ऑफिस आवे जाए वाला लोग के बहुत परेशानी के सामना करे के पड़ता। एह सब के बीच एगो तस्वीर लोग के ध्यान अपना ओर खींचलस। इ तस्वीर समाजवादी पार्टी के सांसद राम गोपाल यादव के रहे।
राष्ट्रीय राजधानी फिलहाल बरखा में डूबल बा। सबेरे से लोग के बहुत समस्या के सामना करे के पड़ता। बरखा के चलते स्कूल आ ऑफिस जाए वाला लोग के परेशानी पैदा हो गइल बा। एह सब के बीच एगो वीडियो सोशल मीडिया पs बहुत तेजी से वायरल हो रहल बा।
राम गोपाल यादव के सरकारी आवास में भरल पानी
असल में ई वीडियो समाजवादी पार्टी के सांसद राम गोपाल यादव के हऽ। सपा सांसद रामगोपाल यादव के आवास के आसपास के इलाका पूरा तरीका से डूबला के चलते उनकर स्टाफ सदस्य आ बाकी लोग उनका के गाड़ी तक जाए में मदद करऽ ताड़न।
नाली साफ हो गइल रहित तऽ अइसन इस्थिति कबहूँ ना होइत – यादव
जवना के बाद राम गोपाल यादव बातचीत में कहलें कि एनडीएमसी तइयार नइखे। देर से बरखा भइल, ओकरा बादो नाली साफ ना करवलस लो। जदि नाली साफ हो गइल रहित तऽ अइसन इस्थिति कबो ना होइत।
नीती आयोग के सदस्य, मंत्री, गृह राज्य मंत्री, आउर मंत्री, नौसेना के एडमिरल, जनरल इहाँ रहेले। बाकिर जब पानी से भर जाला तऽ सफर कइल मुश्किल हो जाला। रउआ देख सकऽ तानी कि संसद जाए खातिर हमरा का करे के पड़ल, सबेरे 4 बजे से एनडीएमसी के अधिकारी लोग से बतियावत तानी, कि हमनी के आवास में पानी घुस गइल बा।
