मौसम अलर्ट : मौसम विभाग यूपी के 35 जिला में बादल के संगे बरखा के चेतावनी देले बा। मौसम विभाग के कहना बा कि पूर्वी उत्तर प्रदेश आ निचला स्तर पs चक्रवाती हवा बा। चंद्र शेखर आजाद कृषि प्रौद्योगिकी विश्वविद्यालय के नोडल अधिकारी आ वरिष्ठ मौसम वैज्ञानिक डॉ. एस.एन.सुनील पाण्डेय बतवले कि पश्चिमी गड़बड़ी उत्तरी हिमालय क्षेत्र से 70-80 किलोमीटर प्रति घंटा के रफ्तार से यूपी के ओर बढ़ रहल बा। दूसर ओर पूर्वी उत्तर प्रदेश अवुरी निचला जिला पs चक्रवाती हवा बनल बा। एकरा चलते यूपी के 35 जिलन में बादल छाइल रही। एकरा संगे बरखा के संभावना बा।
15 जून के बाद मानसून आ सकेला
मानसून के बरखा के लेके मौसम विभाग के ओर से एगो बड़ अपडेट आईल बा। आमतौर पs उत्तर प्रदेश में 15 जून के बाद मानसून के बरखा शुरू होखेला, लेकिन अबकी एक सप्ताह के देरी के बाद मानसून के बरखा शुरू होखे के संभावना बा। राज्य में 22 जून से मानसून के बरखा शुरू होखे के अनेसा बा। 22 जून के बाद मौसम विभाग पूरा महीना के बरखा निहन हालात के पूर्वानुमान लगवले बा।
इन जिलन खातीर रेन अलर्ट जारी
बागपत, बरेली, बदायूं, आगरा, मथुरा, मुरादाबाद, अमरोहा, गाजियाबाद, नोएडा, बुलंदशहर, मेरठ, हापुड़, सहारनपुर, अलीगढ़, हाथरस, मुजफ्फरनगर, रामपुर, शाहजहांपुर, एटा, फिरोजाबाद, मैनपुरी, शामली, बिजनौर, नजीबाबाद, फर्रुखाबाद, इटावा, औरैया, कानपुर, लखनऊ, अयोध्या, कन्नौज, चित्रकूट, कानपुर देहात, प्रयागराज, वाराणसी समेत वेस्ट यूपी के लोनी देहात, हिंडन एयरफोर्स स्टेशन, गाजियाबाद, इंदिरापुरम छपरौला, बड़ौत, बागपत, मेरठ, खेकड़ा, मोदीनगर, किठौर, गढ़मुक्तेश्वर, पिलखुआ, हापुड़, सियाना, बुलंदशहर, सिकंदराबाद, जहांगीराबाद में हल्का तीव्रता से बारिश हो सकेला।
