कुछ लोग के ब्रश करत घरी मतली अवुरी उल्टी के अनुभव होखेला। अगर कबो-कबो अयीसन होखे तs एसिडिटी अवुरी अपच के चलते हो सकता। तs, कबो-कबो एकर कारण पित्त बढ़ल चाहे लिवर से जुड़ल समस्या हो सकता। असल में इs सभ चीज़ आपके पाचन पs असर करेला अवुरी अयीसन स्थिति में जब खाना ना पचेला तs पेट में पित्त के रस बने लागेला, जवना के चलते एसिड रिफ्लक्स होखेला अवुरी आदमी के बार-बार मतली महसूस होखे लागेला। कुछ लोग के उल्टी ले हो जाला। लेकिन एकरा अलावे एs समस्या के पीछे कुछ अवुरी गंभीर कारण हो सकता। जान लीं कि ईs का हs।
ब्रश करत घरी उल्टी के कारण
1. GERD के बेमारी
दाँत ब्रश करत घरी मतली के एगो प्रमुख कारण पाचन संबंधी समस्या जईसे पेट के अल्सर अवुरी गैस्ट्रोएसोफेजियल रिफ्लक्स बेमारी हो सकता। दरअसल, पेट में एसिड बढ़ला से मतली हो सकता अवुरी दांत ब्रश करत समय मतली बढ़ सकता। पेट के एs संवेदनशील स्थिति वाला लोग के खाली पेट चाहे दांत ब्रश करत समय ले मतली महसूस हो सकता।
2. किडनी फेल होखे के लक्षण
ब्रश करत घरी उल्टी भी किडनी के नुकसान के लक्षण हो सकता। दरअसल, जब किडनी के कामकाज पs असर पड़ेला तs पेट से जुड़ल समस्या पैदा हो जाला। संगही, जब शरीर में क्रिएटिनिन के स्तर बढ़ेला sत मतली से जुड़ल समस्या होखे लागेला अवुरी पेट से जुड़ल समस्या बढ़ जाला। अयीसना में लोग के बेर-बेर मतली अवुरी उल्टी के समस्या के सामना करे के पड़ेला।
त, जदी आपके इs सभ समस्या महसूस होखता अवुरी इs समस्या नियमित रूप से होखता तs तुरंत अपना डॉक्टर से सलाह लेके जांच करावे के चाही। अयीसन कईला से भविष्य में होखेवाला बेमारी से बचाव में मदद मिल सकता। कई गो गंभीर बेमारी से भी रउरा के बचावल जाई।
