उत्तर प्रदेश के हरदोई जिला में भईल एगो भयानक सड़क दुर्घटना में पांच लोग के मउत हो गईल, जबकि 5 लोग गंभीर रूप से घाही हो गईले। मरेवाला लोग में 4 महिला अवुरी 1 पुरुष शामिल बाड़े। गंभीर रूप से घायल चार लोग के लखनऊ रेफर कs दिहल गईल बा। बतावल जाता कि एगो बोलेरो बियाह के रस्म से लवटत रहे अवुरी एगो बस बियाह के बारातियन के संगे बघौली से लवटत रहे, तबे दुनो के बीच भयंकर टक्कर भईल, जवना में बोलेरो में सवार पांच लोग के मौका पs दुखद मउत हो गईल, जबकि चार के मउत हो गईल बहुत लोग गंभीर रूप से घायल हो चुकल बाड़े।
सड़क दुर्घटना के जानकारी ले पहुंचल पुलिस घाही लोग के मेडिकल कॉलेज में भर्ती करवलस, जहां से डॉक्टर चारो के गंभीर हालत देख के लखनऊ मेडिकल कॉलेज रेफर कs देले। अपर पुलिस अधीक्षक नृपेन्द्र कुमार के कहल बा कि शव के कब्जा में ले लिहल गइल बा आ घायल लोग के अस्पताल में भर्ती करावल गइल बा. शिकायत दर्ज करावल गइल बा आ मामिला के छानबीन हो रहल बा.
हरदोई जिला के मल्लावां थाना क्षेत्र में सोमार के सबेरे एगो दर्दनाक सड़क दुर्घटना हो गइल. सबेरे करीब तीन बजे गोराई चौराहा पs बोलेरो आ निजी बस के बीच भइल भारी टक्कर में पांच लोग के मउत हो गइल आ चार लोग गंभीर रूप से घवाहिल हो गइल. दुर्घटना के बारे में मिलल जानकारी के मुताबिक कानपुर से आवत एगो तेज रफ्तार बोलेरो गोराई चौराहा पs खड़ा एगो निजी बस से टकरा गईल। गाड़ी में सवार लोग एगो बियाह के रस्म से लवटत रहले अवुरी बस में भी बियाह के बराती रहले। टक्कर एतना भयंकर रहे कि गाड़ी उड़ गईल अवुरी घटनास्थल पs चीख-पुकार मच गईल.
सूचना मिलते पुलिस तुरंत मौका पs पहुंच गईल अवुरी राहत अवुरी बचाव के काम शुरू कs देलस। घटना में घाही चार लोग के तुरंत इलाज खातीर लखनऊ पहुंचावल गईल बा। एहमें से कवनो के गंभीर चोट नइखे लागल. परिवार के लोग के शिकायत पs मामला दर्ज कs के जरूरी कानूनी कार्रवाई कईल जाता।
