अयूब मलिक 1989 में बसपा में शामिल भईल रहले। उ बसपा से दु बेर दादरी नगरपालिका के चुनाव लड़ चुकल बाड़े। बतावल जाता कि सपा में शामिल होखला से सपा के मुस्लिम वोट के फायदा मिली।
अयूब मलिक 1989 में बसपा में शामिल भईल रहले। उ बसपा से दु बेर दादरी नगरपालिका के चुनाव लड़ चुकल बाड़े। बतावल जाता कि सपा में शामिल होखला से सपा के मुस्लिम वोट के फायदा मिली।
यूपी नगर निकाय चुनाव 2023 : यूपी नगर निगम चुनाव के तारीख जइसे-जइसे नजदीक आ रहल बा, राजनीतिक गतिविधि तेज हो रहल बा। कई गो नेता टिकट ना मिलला के बाद पार्टी छोड़ के दोसरा पार्टी में शामिल हो रहल बाड़े। ग्रेटर नोएडा के बहुजन समाज पार्टी के वरिष्ठ नेता आ दादरी नगरपालिका अध्यक्ष पद के उम्मीदवार अयूब मलिक समाजवादी पार्टी में शामिल हो गइल बाड़न। पार्टी के लखनऊ कार्यालय में राष्ट्रीय अध्यक्ष अखिलेश यादव के सोझा पार्टी में शामिल भईले। एह दौरान अउरी कई गो नेता लोग भी मौजूद रहले। पार्टी में शामिल होखते समाजवादी पार्टी भी दादरी नगरपालिका अध्यक्ष पद खातिर उनुका के आपन उम्मीदवार घोषित क देले बिया। एकरा संगे-संगे पार्टी कार्यकर्ता में खुशी के माहौल बा।
सपा खेललस मुस्लिम कार्ड
सपा के सदस्यता देला के बाद ही उनुका के उम्मीदवार घोषित कईल गईल। अब देखे के होई कि पार्टी के इ मुस्लिम कार्ड एकरा में केतना सफलता दे पाई। अयूब मलिक 1989 में बसपा में शामिल भईल रहले। अयूब बसपा से दू बेर दादरी नगरपालिका के चुनाव लड़ चुकल बाड़न. बतावल जाता कि सपा में शामिल होखला से सपा के मुस्लिम वोट के फायदा मिली। अयूब के भाई के खिलाफ गैंगस्टर एक्ट के कार्रवाई भी भईल बा आ उनुकर संपत्ति भी जब्त क लिहल गईल बा।
जीत के दावा करत पार्टी
बसपा अपना लगातार घटत जन आधार से चिंतित बिया। इहे कारण बा कि पछिला विधानसभा चुनाव में बहुत खराब प्रदर्शन के बाद पार्टी अबकी बेर कवनो कीमत पे आपन प्रदर्शन में सुधार कईल चाहता। इहे कारण बा कि पार्टी दलित आ मुसलमान के एक संगे ले आवे के पूरा कोशिश करतिया। दूसर ओर अयूब मलिक के सपा में शामिल भईला के बाद पार्टी के कार्यकर्ता जीत के दावा करतारे।
साभार- abp live
