शाहजहांपुर समाचार : उत्तर प्रदेश के शाहजहांपुर जिला में रविवार के सबेरे एगो बड़ घटना भइल। बरेली आ कटरा स्टेशन के बीच पंजाब मेल एक्सप्रेस में आग लागे के अफवाह से भगदड़ मच गइल, जवना के चलते यात्री ट्रेन से कूद गइले। एकरा चलते 20 यात्री घायल हो चुकल बाड़े।
हावड़ा से अमृतसर जाए वाला 13006 पंजाब मेल एक्सप्रेस के जनरल कोच में आग लागे के अफवाह से भगदड़ मच गइल। हड़बड़ी में ट्रेन से नीचे कूद के करीब 20 यात्री घायल हो गइले। गंभीर रूप से घायल सात लोग के शाहजहांपुर के सरकारी मेडिकल कॉलेज में भर्ती करावल गइल।
रविवार के सबेरे करीब 8:00 बजे बरेली आ मीरानपुर कटरा स्टेशन के बीच ट्रेन के जनरल कोच में आग लागे के अफवाह पs ड्राइवर ट्रेन के रोक देले। ट्रेन के आधा बोगी नदी पुल पs आ आधा बहरी रहे। ट्रेन रुकते ही यात्री नीचे कूदे लगले। अफरातफरी के माहौल रहे।
परीक्षण के दौरान सबकुछ ठीक पावल गइल
ए दुर्घटना में बहुत लोग घायल हो चुकल बाड़े। कई गो बोगी खाली होखला के बाद ड्राइवर आ गार्ड जांच कइले तs सबकुछ ठीक-ठाक पावल। एकरा बाद घायल लोग के लेडी एंड गार्ड बोगी में शाहजहांपुर भेज दिहल गइल। उहाँ के अस्पताल में भर्ती करावल गइल।
शाहजहांपुर स्टेशन पs ट्रेन रुकल
रविवार के सबेरे 10:10 बजे शाहजहांपुर रेलवे स्टेशन के प्लेटफार्म नम्बर एक पs ट्रेन के रोकल गइल। रेलवे के अधिकारी आ आरपीएफ के जवान पहुंचले। पांच गो एम्बुलेंस के बोलावल गईल। दुर्घटना में गंभीर रूप से घायल सात लोग के सरकारी मेडिकल कॉलेज में भर्ती करावल गइल। एही बीच ट्रेन 30 मिनट तक रुकल रहे। जांच में सबकुछ सही मिलला के बाद ट्रेन के रवाना कs दिहल गइल।
शरारती तत्व ई काम कइले
मुरादाबाद रेलवे संभाग के वरिष्ठ डीसीएम आदित्य गुप्ता बतवले कि बिलपुर के नजदीक सबेरे कुछ शरारती तत्व ट्रेन नंबर 13006 के जनरल जीएस कोच में राखल आग बुझावे वाला मशीन के सक्रिय क देलस, जवना के चलते ट्रेन रुक गइल। जवना के चलते घबरा गईल यात्री कूदे लगले। दू गो यात्री घायल हो गइले। घायल लोग के मौका पs प्राथमिक चिकित्सा दिहल गइल। शरारती तत्वन के पहचाने खातिर जांच करावल जा रहल बा।
