उत्तर प्रदेश पुलिस के आतंकवाद विरोधी दस्ता ATS से जुड़ल इनाम के संगे एगो आरोपी के गिरफ्तार कs लेले बा। एगो अवुरी आरोपी कोर्ट में आत्मसमर्पण कs देले बा। अधिकारी मंगल के दिने ई जानकारी दिहले। पुलिस महानिदेशक (कानून व्यवस्था) प्रशांत कुमार एटीएस के उपलब्धि पs बयान जारी करत कहले कि, आईएसआईएस से जुड़ल दु आरोपी, 25-25,000 रुपिया के इनाम लेके जात रहले, जवना में करेली, प्रयागराज के निवासी आमस उर्फ फराज (22 साल) शामिल बाड़े , के सोमार के दिने एटीएस टीम अलीगढ़ में गिरफ्तार कs लिहलस। गिरफ्तारी के दौरान संभल निवासी अब्दुल समद मलिक (25) अदालत में आत्मसमर्पण कs दिहलस।
बयान के मुताबिक एटीएस के जानकारी मिलत रहे कि आईएसआईएस के विचारधारा से प्रेरित कुछ लोग शपथ लेले बाड़े अवुरी खिलाफत के स्थापना खातीर राष्ट्र विरोधी साजिश रचतारे। ए मामिला में प्राथमिकी दर्ज भईल रहे अवुरी पछिला साल नवंबर में 7 लोग के गिरफ्तार कईल गईल रहे। एटीएस के मुताबिक ए मामिला में आमस अहमद उर्फ फराज अहमद अवुरी अब्दुल समद मलिक वांछित रहले। उ बतवले कि सोमवार के अलीगढ़ से फराज के एटीएस टीम गिरफ्तार कईले रहे, जबकि अब्दुल समद मलिक कोर्ट में आत्मसमर्पण कs देले।
ATS चार गो अउरी आरोपियन के गिरफ्तार कs लिहलस
कुछ दिन बाद अलीगढ़ से भदोही जिला के निवासी रकीब इमाम अंसारी आ संभल जिला के निवासी नवेद सिद्दीकी, कोटला पंजू सराय के मोहम्मद नोमान आ नखास इलाका के दीपा सराय निवासी मोहम्मद नाजिम समेत चार गो अउरी आरोपियन के गिरफ्तार कs लिहल गइल। ओह लोग के लगे से आईएसआईएस के प्रतिबंधित साहित्य, मोबाइल फोन आ पेन ड्राइव बरामद कs लिहल गइल ।एटीएस के कहनाम बा कि ए मामिला में अबे ले 09 आरोपी के गिरफ्तार कd लिहल गईल बा।
साभार- इंडिया tv
