भारत सरकार वित्त आ राजस्व सचिव तुहिन कांत पाण्डेय के बाजार नियामक सेबी के नयका अध्यक्ष नियुक्त कइले बिया. ऊ माधबी पुरी बुच के जगह ले अइहें जवना के कार्यकाल एही महीना खतम होखे वाला बा. कार्मिक लोक शिकायत अवुरी पेंशन मंत्रालय के ओर से बीयफ़ें के जारी एगो प्रेस विज्ञप्ति के मुताबिक, मंत्रिमंडल के नियुक्ति समिति ओडिशा संवर्ग के 1987 बैच के वरिष्ठ आईएएस अधिकारी पांडे के भारतीय प्रतिभूति अवुरी विनिमय बोर्ड (सेबी) के अध्यक्ष नियुक्त कईले बिया। उनुकर नियुक्ति पद सम्हरला के तारीख से तीन साल ले होई। बता दीं कि तुहिन कांत पाण्डेय सितंबर 2024 में देश के वित्त सचिव के रूप में जिम्मेदारी सम्हरले रहले।
तुहिन वित्त मंत्रालय के प्रतिनिधित्व कइले बाड़न
वित्त सचिव के रूप में तुहिन कांत पांडेय के भूमिका वित्त मंत्री के नीतिगत मामला में सलाह देवे अवुरी मंत्रालय के संचालन के प्रबंधन में बहुत महत्वपूर्ण रहे। संसद के लोक लेखा समिति के सोझा उs मंत्रालय के प्रतिनिधित्व कईले अवुरी भारत के राजकोषीय अवुरी आर्थिक रणनीति के आकार देवे में अहम भूमिका निभवले। अब ऊ सेबी अध्यक्ष के जिम्मेदारी सम्हार लीहें आ अपना साथे वित्तीय प्रबंधन आ प्रशासन के भरपूर अनुभव ले के अइहें जवना से उनुका यशस्वी कैरियर में एगो नया अध्याय जुड़ जाई.
इहो पढ़ीं: भक्तिमय सोमार: ‘श्रद्धा के सागर’ भक्तन के कुल कष्ट दूर करेली गोरखपुर के ‘मां करवल देवी’
एयर इंडिया के ऐतिहासिक बिक्री में बड़ भूमिका
तुहिन कांत पांडे के कई गो वरिष्ठ आ महत्वपूर्ण पद पs काम करे के जबरदस्त अनुभव बा, जवना में सार्वजनिक उद्यम विभाग (डीपीई) आ निवेश आ सार्वजनिक संपत्ति प्रबंधन विभाग (डीआईपीएएम) के प्रमुखता शामिल बा। उनुका के खास तौर पs एयर इंडिया के ऐतिहासिक बिक्री अवुरी एलआईसी के सार्वजनिक सूची बनावे के देखरेख खातीर भी जानल जाला।
इकोनॉमिक्स में MA आ यूनाइटेड किंगडम से MBA
पंजाब विश्वविद्यालय, चंडीगढ़ से अर्थशास्त्र में एमए आ यूनाइटेड किंगडम से एमबीए कइले बाड़न. इनके कैरियर ओडिशा के राज्य सरकार आ केंद्र सरकार दुनों में महत्वपूर्ण प्रशासनिक भूमिका सभ के बिस्तार लिहले बा। संबलपुर में जिलाधिकारी, वाणिज्य मंत्रालय में उप सचिव के रूप में काम करे के अलावे स्वास्थ्य, परिवहन अवुरी वाणिज्यिक कs जईसन क्षेत्र में भी बहुत पद पs काम कईले बाड़े।
इहो पढ़ीं: सबेरे-सबेरे: हाई ब्लड प्रेशर में कारगर होला, इs तीन गो योगासन
