ट्रेन से यात्रा करे वाला करोड़ों यात्री खातिर एगो बड़ अपडेट बा। कन्फर्म टिकट वाला ट्रेन में सफर करे वाला यात्रियन के सुविधा खातिर रेलवे सख्ती बढ़ावे जा रहल बा। एकरा चलते वेटिंग टिकट वाला यात्री स्लीपर अवुरी एसी कोच में यात्रा ना कs पईहे। अगर कवनो यात्री के वेटिंग टिकट बा तs उs सिर्फ जनरल क्लास में ही यात्रा कs सकतारे। भारतीय रेलवे एक मई से एह नियम के पालन करे खातिर सख्ती बढ़ावे वाला बा, बता दीं कि अगर आईआरसीटीसी से बुक भईल ऑनलाइन टिकट के पुष्टि ना भईल तs उs अपने आप रद्द हो जाला। अयीसना में बहुत लोग काउंटर से वेटिंग टिकट लेके स्लीपर अवुरी एसी कोच में सफर करेले।
कन्फर्म टिकट वाला यात्रियन के सुविधा खातिर नियम
एक मई से नियम कड़ा होखला के बाद वेटिंग टिकट वाला स्लीपर अवुरी एसी कोच में यात्रा पs रोक लगा दिहल जाई। अगर कवनो यात्री के स्लीपर आ एसी कोच में वेटिंग टिकट मिलल तs टीटीई ओकरा के जुर्माना लगा सकेला भा जनरल कोच में भेज सकेला. उत्तर पश्चिम रेलवे के मुख्य जनसंपर्क अधिकारी कैप्टन शशि किरण बतवले कि कन्फर्म टिकट के संगे यात्रा करेवाला यात्री के सुविधा खातीर इs नियम बनावल गईल बा। ताकि कन्फर्म टिकट वाला यात्री के वेटिंग टिकट वाला यात्री के चलते यात्रा के दौरान असुविधा के सामना ना करे के पड़े।
असुविधा के चलते यात्रा मुश्किल हो जाला
दरअसल वेटिंग टिकट वाला यात्री स्लीपर अवुरी एसी कोच में घुस के जबरन कन्फर्म टिकट वाला यात्री के सीट पs बईठे के कोशिश करेले, जवना से सभके असुविधा होखेला। एकरा अलावे जब स्लीपर अवुरी एसी कोच में वेटिंग टिकट वाला यात्री के संख्या बढ़ेला तs यात्री के आवाजाही रुक जाला, जवना से यात्री के ना सिर्फ असुविधा होखेला बालुक उनुकर सफर भी बहुत मुश्किल हो जाला। अगर रउवा भी अक्सर वेटिंग टिकट के साथ ट्रेन में यात्रा करेनी तs अब रउवा बहुत समझदारी से यात्रा करे के पड़ी।
इहो पढ़ीं: सबेरे-सबेरे: गर्दन के समस्या करत बा परेसान, तs रोजे करीं इs Exercise
