एनएचएआई: 1 अप्रैल से बढ़ जाई टोल टैक्स- गोरखपुर के इs प्लाजा आई जद में- जानीं केतना लागी शुल्क
नयका वित्तीय वर्ष में राष्ट्रीय राजमार्ग पs चले वाली गाड़ियन के अधिका टोल टैक्स देबे के पड़ी। भारतीय राष्ट्रीय राजमार्ग प्राधिकरण क्षेत्रीय कार्यालय वाराणसी के टोल कs बढ़ावे के प्रस्ताव भेजले बा। एह प्रस्ताव के मंजूरी मिलला के बाद एक अप्रैल से टोल टैक्स बढ़ावे के योजना बा।
अगर जिला में तेनुआ आ कालेसर टोल प्लाजा पs अधिका टैक्स होखी तs गाड़ी मालिकन के जेब से बाहर हो जाई। कार, बस/ट्रक अवुरी सात पहिया गाड़ी के टोल टैक्स बढ़ावल जाता। अलग-अलग गाड़ी के टोल 5 रुपिया से बढ़ा के 20 रुपिया करे के प्रस्ताव बा, बाकिर बार-बार टैक्स देवे के पड़ी तs गाड़ी मालिक अखर जाइ।
फास्टैग नाहीं होले पs दुगुना टैक्स
एनएचएआई के नियम के मुताबिक जदी आपके लगे फास्टैग नईखे तs टोल टैक्स के दुगुना देवे के पड़ी। पे-टीएम पs रोक लगला के बाद दोसरा कंपनी के माध्यम से फास्टैग के सुविधा दिहल जा रहल बा। अगर रउरा लगे फास्टैग नइखे तs बढ़ल टोल टैक्स से दुगुना देबे के पड़ी।
अप्रैल में एगो अउरी टोल प्लाजा सुरू हो जाई
गोरखपुर-वाराणसी राष्ट्रीय राजमार्ग पs भिटहा पs टोल प्लाजा बनावल गइल बा। टोल टैक्स वसूली ओहिजा अप्रैल में सुरू हो सकेला, ओकरा बाद लखनऊ रूट जइसन वाराणसी-प्रयागराज जाए वाली गाड़ियन से टोल टैक्स वसूली कइल जाई।
प्रस्तावित टोल टैक्स (वर्तमान/ प्रस्तावित )
प्रबंधक एनएचएआई आशीष सिंह सेंगर कहले कि नयका वित्तीय वर्ष में टोल प्लाजा पs टैक्स बढ़ावे के योजना बा। टोल टैक्स बढ़ावे के प्रस्ताव भेजल गइल बा। स्वीकृति के आधार पs कर तय कईल जाई। गोरखपुर वाराणसी राष्ट्रीय राजमार्ग के टोल प्लाजा एक महीना में सुरू हो सकेला।
Comments are closed.