मशरक (सारन)| धर्मेंद्र कुमार सिंह: मशरक थाना क्षेत्र के बहरौली गांव में काली स्थान के लगे द्वारिका सिंह के मकान में अज्ञात चोरन द्वारा बीतल रात नगदी रुपिया, पानी के मोटर आ लाखन रुपिया के गहन चोरी करे के ममिला सामने आइल बा।
ममिला में घटना के सूचना प थाना पुलिस पहुंच जांच पड़ताल कर रहल बिया। ममिला मे चोरी के घटना द्वारिका सिंह के मकान में भइल, जे अपना भाईयन के साथे स परिवार पंजाब के लुधियाना आ फगवाड़ा में रहेला लो। ओहिजा गांव में उनकर बुढ़ मां रहेली। ऊ बतवली कि रात में खाना खाके आ टीवी देखके सुत गइली। आधा रात में ऊ देखली की पानी के मोटर अपना जगह प नइखे। अंगना मे जाये खातिर दरवाजा बंद रहे। आस पास के लोगन के सहजोग से दरवाजा खोलल गइल त सारा समान तीतर बितर पड़ल मिलल आ घर में जांच कइल गइल त 60 हजार नगदी रुपिया आ 6 थान सोना चांदी गहना समेत आउर समान चोरी क लिहल गइल बा।
Comments are closed.