जूस के दुकान में घुसल पिकअप, 1 के मौत: छपरा में शराब के नशा में रहे चालक, बाइक सवार के बचावे में अनियंत्रित भइल वाहन

छपरा में बुध के अनियंत्रित पिकअप जूस दुकान में टक्कर मार देलस। हादसा में दुकान में काम कर रहल व्यक्ति के मौत हो गइल। मृतक के पहचान दाउदपुर थाना क्षेत्र के दाउदपुर नोनियाटोली निवासी दिनेश महतो (38) पिता टुकर महतो के रूप में कइल गइल बा। हादसा के बाद कुछ समय खातिर मवका पs अफरा-तफरी के माहौल हो गइल रहे। जवना के बाद पुलिस शव के पोस्टमॉर्टम खातिर छपरा सदर अस्पताल भेज देलस। बतावल जा रहल बा कि पिकअप चालक शराब के नशा में रहे। बाइक सवार के बचावे के चक्कर में अनियंत्रित होके दुकान में ठोकर मार देलस। घटना छपरा-सीवान मुख्य मार्ग पs दाउदपुर बाजार के हs।

दिनेश के माथा में चोट लागल 

स्थानीय लोगन के मोताबिक मृतक दिनेश जूस के दुकान पs काम करत रहलें। एही दौरान छपरा के ओर से आ रहल पिकअप दुकान में टक्कर मार देलस। जवना से उनकर मौत हो गइल। दिनेश के माथा में चोट लागल रहे। उनका के घायल अवस्था में निजी चिकित्सक के लगे ले जाइल गइल। जहां उनका के मृत घोषित कs दिहल गइल। ओहिजा, पिकअप चालक मवका से फरार हो गइल। दाउदपुर थाना अध्यक्ष बीरेंद्र राम कहलें कि अनियंत्रित पिकअप से एगो व्यक्ति के मौत हो गइल। वाहन के जब्त कs लिहल गइल बा। पुलिस शव के कब्जा में लेके पोस्टमॉर्टम खातिर छपरा सदर अस्पताल भेज देलस।

5660910cookie-checkजूस के दुकान में घुसल पिकअप, 1 के मौत: छपरा में शराब के नशा में रहे चालक, बाइक सवार के बचावे में अनियंत्रित भइल वाहनno