रामलला के मुख्य पुजारी आचार्य सत्येन्द्र दास (87) के ब्रेन स्ट्रोक के बाद पीजीआई, लखनऊ में भर्ती करावल गईल बा। उनुकर हालत अबहियों गंभीर बनल बा.
अतवार के देर रात जब मुख्य पुजारी के स्वास्थ्य बिगड़ल तs उनुका के दर्शननगर मेडिकल कॉलेज में भर्ती करावल गईल। जहां से उनुका के लखनऊ रेफर कs दिहल गईल बा। उनुका के निजी अस्पताल हर्षण संस्थान में ले जाइल गइल आ जब हालत में सुधार ना भइल तs पीजीआई में भर्ती करावल गइल.
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
पीजीआई के ओर से जारी स्वास्थ्य बुलेटिन के मुताबिक उनुकर हालत बहुत गंभीर बा। फिलहाल उनुका के न्यूरोलॉजी वार्ड एचडीयू में भर्ती करावल गईल बा अवुरी विशेषज्ञ डॉक्टर के देखरेख में उनुकर इलाज चलता। उs डायबिटीज अवुरी हाई ब्लड प्रेशर से पीड़ित बाड़े। उनकर हालत गंभीर बा। फिलहाल उs स्थिर बाड़े।
आचार्य सत्येन्द्र दास 1 मार्च 1992 से रामलला के सेवा में बाड़े। बाबरी तोड़े से लेके मंदिर निर्माण तक के सफर के साक्षी भी बाड़े। टेंट से लेके भव्य महल तक रामलला के सेवा करे के सौभाग्य मिलल बा। उनकर शिष्य आ राम मंदिर के सहायक पुजारी प्रदीप दास बतवले कि राम जन्मभूमि परिसर में पूजा करे वाला आचार्य सत्येन्द्र दास के स्वास्थ्य बिगड़ला के चलते मंदिर प्रशासन अवुरी उनुका भक्त के बीच चिंता के माहौल बा। सभे उनुका जल्दी ठीक होखे के कामना करत बा।
