नई दिल्ली। अपना धमकियन खातिर सुर्खियों में रहे वाला खालिस्तानी आतंकवादी गुरपतवन्त पन्नू के खिलाफ अहमदाबाद साइबर सेल में हाले में केस दर्ज कइल गइल रहे। इहे आतंकी फेर से धमकी देत कहले बा कि क्रिकेट विश्व कप 2023 के 19 नवंबर के होखे वाला फाइनल मैच के दिन कवनो सिख फ्लाइट से सफर ना करे। आतंकवादी गुरपतवन्त पन्नू एकरा पहिलहू इस विश्व कप 2023 के दौरान टेरर अटैक करे के धमकी देले बा।
खालिस्तान के धमकी आतंक
भारत में चल रहल वनडे वर्ल्डकप के लेके खालिस्तान के तरफ से एक बेर फेर एगो खतरनाक धमकी सामने आइल बा। खालिस्तानी आतंकवादी प्रमुख, गुरपतवंत सिंह पन्नू कहलस कि 19 नवंबर, 2023 के वनडे वर्ल्डकप 2023 के दिन केहुओ सिख व्यक्ति सिख फ्लाइट से सफर ना करे। एकरा पहिलहू, ई आतंकी टेरर अटैक के धमकी देले रहे। ई आतंकी वनडे वर्ल्डकप 2023 के उद्घाटन मैच के बारे में अइसने बात कहले रहे।
गुरपतवंत सिंह पन्नू देलस धमकी
खालिस्तान आंदोलन के नेता आ प्रतिबंधित संगठन सिख फॉर जस्टिस (एसएफजे) के प्रमुख, गुरपतवंत सिंह पन्नू एगो वीडियो जारी कइले बा। एमे पन्नू 19 नवंबर के एयर इंडिया के उड़ानन के बाधित करे के धमकी देले बा। सिख फॉर जस्टिस के वाटरमार्क वाला एगो वीडियो में पन्नू ई कहत सुनल गइल, “19 नवंबर के वैश्विक नाकाबंदी के हिस्सा के रूप में, हमनी के एयर इंडिया के संचालित करे के अनुमति ना देम सs। हम सिख समुदाय के सब सदस्यन के सलाह देत बानी कि ऊ 19 नवंबर से एयर इंडिया के सेवा के उपयोग ना करे काहेकि एसे रउआ जिनगी के खतरा हो सकत बा।
गुरपतवंत सिंह पन्नू पहिलहू एह आतंकी धमकी के स्वीकार कइले बा। ऊ इंदिरा गांधी हवाईअड्डा के 19 नवंबर के बंद करे के चेतावनी देले बा आ कहले बा कि एह दिन के विश्व आतंक कप के फाइनल के तौर पs मनावल जाई। रउआ के बता दीं कि ई फाइनल मैच अहमदाबाद के नरेंद्र मोदी स्टेडियम में खेलल जाई।
