डिजिटल डेस्क, तेहरान। अमेरिका-ईरान के बीच युद्ध अभीनो जारी बा। अमेरिका मंगर , 8 सितंबर के फारस के खाड़ी में खार्ग द्वीप के नगीचे ईरान के कई तेल टैंकरन प हमला किहल।
US सेंट्रल कमांड (Centcom) 8 सितंबर के ईरान के कच्चा तेल ले जाए वाला जहाजन के नष्ट कइलै का सैटेलाइट वीडियो जारी किहल। अमेरिकी वारशिप प हमला होखलै के बाद अमेरिकी सेना ईरानी तेल टैंकरन के निशाना बनावल।
अमेरिकी सेना जारी कींहल सैटेलाइट तस्वीर
US सेंट्रल कमांड ईरानी तेल टैंकर प हमला के बाद बतावल कि अमेरिकी सेना ओमान के खाड़ी में ईरान के कच्चा तेल ले जाए वाला जहाजन M/T कविज, M/T चारमीनार, M/T होराइजन 1 आ M/T रिस्को के आ खार्ग द्वीप के पास M/T डेर्या के नष्ट कइ दिहल।
Centcom के मुताबिक, US सेना जहाजन प हमला कइलै से पहिले उंकरे क्रू के जहाज छोड़लै क आदेश दिहल, जेसे टैंकर बेकार हो गइल।
अमेरिकी सेना क दावा ह कि ईरान IRGC आ ओकरे क्षेत्रीय प्रॉक्सी समूह के फंड देहलै के खातिर अरबों डॉलर के शैडो नेटवर्क के हिस्सा के रूप में ए टैंकरन क इस्तेमाल किहले रहै।
सेंटकॉम 5 सितंबर के ईरान के तीन कच्चा तेल के जहाजन के नष्ट कइलै रहै US कहल कि पहिले के हमला ईरान द्वारा US एयरक्राफ्ट कैरियर आ गाइडेड-मिसाइल डिस्ट्रॉयर प हमला क कोशिश के बाद किहल गइल ।
IRGC अमेरिका के युद्धपोत के बनावल निशाना
मिडिल ईस्ट में ई हमला सिर्फ अमेरिका के तरफ से जारी नाहीं बाऽ। ईरान के इस्लामिक रिवोल्यूशनरी गार्ड कॉर्प्स (IRGC) पिछिला दू दिन में दू बेर बैलिस्टिक मिसाइल से US नौसेना के युद्धपोत के निशाना बनावल।
US नौसेना के युद्धपोत ईरान के दूनों मिसाइल हमला से खुद के बचावल आ स्ट्रेट ऑफ होर्मुज में गश्त जारी रखल, लेकिन अमेरिकी सेना हमला के जवाब दिहल आ ईरान के तेल टैंकरन के उड़ावल। Centcom कहना कि US क कोनो कर्मी घायल नाहीं भइल हवै।
