T-Series: टी-सीरीज अज्ञात लोगन के खिलाफ दर्ज करवले शिकायत, भूषण कुमार के बदनाम करे के साजिश

टी-सीरीज कुछ अज्ञात लोगन के खिलाफ जालसाजी आ धोखाधड़ी के शिकायत दर्ज कइले बा। उनकर कहनाम बा कि ई लोग टी-सीरीज के प्रबंध निदेशक भूषण कुमार के बदनाम करे के कोसिस कर रहल बानी। एह ममिला में टी-सीरीज आरोपियन के खिलाफ एफआईआर दर्ज करवले बा।

आरोपियों के खिलाफ ममिला दर्ज

टी-सीरीज के कहनाम बा कि विदेशी फोन नंबर + 32 46025821 आ आउर नंबरन के उपयोग कs के अभियुक्त भूषण कुमार बनके कइयन लोगन के लगे पहुंचल आ गलत आ झूठ बात बतवलस। हालांकि जे लोग भूषण कुमार के व्यक्तिगरत रूप से जानत रहे, ऊ तुरंत ओह धोखेबाजन के उहां से भगा देलस आ एकरा बारे में भूषण कुमार के सूचित कइलस। टी-सीरीज के जइसही एह बात के सूचना मिलल ऊ तुरंत आरोपियन के खिलाफ एफआईआर दर्ज करवलस। अब एह ममिला में पुलिस जांच कर रहल बिया।

टी-सीरीज कहलस ई बात

टी-सीरीज के कहनाम बा कि ई सब भूषण कुमार से बदला लेवे आ उनका के बदनाम करे खातिर कइल जा रहल बा। एह तरीका के काम करे वालन से उचित तरीका से निपटल जाई। टी-सीरीज साफ कs देले बा कि एह घटना में भूषण कुमार के कवनो भूमिका नइखे। ऊ कहलस कि जदि रउओ एह तरीका से संपर्क में आइल तs ओकरा संगे कवनो तरे के बातचीत भा फेर रुपियन के लेन-देन में सामिल ना होखे।

3874510cookie-checkT-Series: टी-सीरीज अज्ञात लोगन के खिलाफ दर्ज करवले शिकायत, भूषण कुमार के बदनाम करे के साजिशno