गुजरात के एगो दवाई बनावे वाली कंपनी के खांसी के सिरप अवुरी एंटी एलर्जी सिरप में जहरीला रासायनिक तत्व मिलल बा। एकर खुलासा एगो सरकारी रिपोर्ट में भईल बा। गुजरात खाद्य आ औषधि नियंत्रण प्रशासन के आयुक्त एचजी कोशिया बतवले कि पछिला महीना कंपनी के कारखाना के निरीक्षण के दौरान दवाई जहरीला पावल गईल।
उ कहले कि कंपनी निमन निर्माण प्रथा के अनुपालन मानक पs बुरी तरह से असफल रहल। उहाँ पानी के पर्याप्त व्यवस्था ना रहे। एयर हैंडलिंग यूनिट भी ठीक से काम ना करत रहे। जनस्वास्थ्य के बड़ हित में हमनी के यूनिट के उत्पादन बंद करे के आदेश देनी।
हालांकि फार्मा कंपनी ए मामिला में कवनो टिप्पणी नईखे कईले। सीडीएससीओ प्रयोगशाला में भईल परीक्षण के मुताबिक ट्रिमैक्स एक्सपेक्टोरेंट में 0.118 प्रतिशत ईजी पावल गईल जबकि एलर्जी के दवाई सिलप्रो प्लस सिरप में 0.171 प्रतिशत एथिलीन ग्लाइकॉल (ईजी) अवुरी 0.243 प्रतिशत डायथिलीन ग्लाइकॉल (डीईजी) पावल गईल।
विश्व स्वास्थ्य संगठन (डब्ल्यूएचओ) के कहनाम बा कि अंतरराष्ट्रीय स्तर पs स्वीकृत मानक के आधार पs सुरक्षित सीमा 0.10 प्रतिशत से जादे नईखे। अभी तक इ साफ नईखे कि नॉरिस ए दवाई के याद कईले कि केहु के एकर सेवन से नुकसान भईल। फिलहाल इ दुनो दवाई ऑनलाइन फार्मेसी पs सूचीबद्ध बा।
कोल्ड आउट सिरप दूषित
एकरा अलावे सीडीएससीओ के तमिलनाडु कंपनी फोर्ट्स (इंडिया) लेबोरेटरीज द्वारा निर्मित कोल्ड आउट सिरप के तीन बैच भी डीईजी अवुरी ईजी से दूषित मिलल बा। विश्व स्वास्थ्य संगठन कहले रहे कि इराक में बिकाइल कोल्ड आउट के एगो बैच में डीईजी अवुरी ईजी के अस्वीकार्य स्तर बा। हालांकि फोर्टेस कंपनी ए संबंध में कवनो टिप्पणी नईखे कईले। सरकार समर्थित फार्मास्यूटिकल्स एक्सपोर्ट प्रमोशन काउंसिल ऑफ इंडिया (फार्मेक्सिल) के अध्यक्ष एसवी वीरमणि कहले कि कोल्ड आउट से रिटेन सैंपल के विश्लेषण में कवनो जहरीला पदार्थ ना मिलल।
साभार- अमर उजाला
