गोरखपुर में बुध के आधी रात के भइल बरखा आ आंधी के बाद अब भीषण गरमी के असर कम होत लउक रहल बा। कइयन दिनन के गरमी आ हीटवेव के बाद अब मौसम बदल गइल बा। देर रात भइल बरखा के बाद सबेरही से बादल छाइल रहल। मौसम विभाग के मानी, तs अभी मौसम अइसने रही। दुपहरिया में ह्यूमिडिटी बढ़ी।
मौसम विज्ञान विभाग के अनुसार- आज सुक के दिन के तापमान 35°C के आस पास दर्ज कइल जा सकत बा। न्यूनतम तापमान 26°C रही। मौसम विभाग तेज हवा के संगे बरखा के अलर्ट जारी कइले बा। एह दौरान 40-50 किलोमीटर के रफ्तार से हवा चली।
बिहान के टेंप्रेचर
सबेरे 8 बजे- 28°C
दुपहरिया 2 बजे- 35°C
रात 8 बजे- 28°C
अधिकतम तापमान- 35°C
आज के टेंप्रेचर
सबेरे 8 बजे- 29°C
दुपहरिया 2 बजे- 36°C
रात 8 बजे- 31°C
अधिकतम तापमान- 36°C
बहुत दिन बाद बाजार में लउकल भीड़
बरखा के बाद से सिटी के लोगन के गरमी से तनिका राहत मिलल तs बाजारन पs एकर असर देखे के मिलल। बियफे के शहर के प्रमुख बाजारन में भीड़ देखे के मिलल। जून के पहिला दिन से पड़ रहल भीषण गरमी में जहां कूलर आ एसी काम कइल बंद कs देले रहे, ओहिजा अभी पंखा में राहत मिल रहल बा। बरखा के बाद से तापमान में आठ डिग्री तक के गिरावट आइल बा आ असमान में बादल देखे के मिल रहल बा, जवना से लू के असर बहुते कम बा।
कबो घाम कबो बादल से बढ़ रहल बा उमस
नौतपा के सुरुआते से पड़ रहल भीषण गरमी से लोग परेसान बा। मौसम विभाग के मोताबिक आवे वाला दिनन में तापमान में गिरावट होखे के संभावना बा। एह दिनन दुपहरिया के समय खास कs के 12 से चार बजे तक सूरज के तपन चरम पs रहल। जवना से सड़कन पs सन्नाटा देखे के मिलत बा। बिहान से मौसम के मिजाज बदल गइल बा कबो घाम तs कबो बदल आ जा रहल बा। बादल अइला से से घाम तs कम भइल बा बाकिर ह्यूमिडिटी तनिका बढ़ गइल बा।
सात साल में सबसे जादे 2021 आ 2023 में बरखा भइल
यूपी में सामान्य रुप से 829.8 MM बरखा होला। हाल के कुछ सन में प्रदेश में मानसून के बरखा के आंकड़न पs गौर कइल जाव तs 2023-24 में सामान्य के तुलना में 71% (589.3 MM) बरखा भइल रहे। 2022-23 में एह अवधि में प्रदेश में 62% (514.3 MM), 2021-22 में 87.5% (726 MM) आ 2020-21 में 77.2% (640.2 MM) बरखा भइल रहे।
