श्रीलंका आपन क्रिकेट बोर्ड के भंग कइलस, वर्ल्डकप में खराब प्रदर्शन के बाद लेलस फैसला
श्रीलंका आपन क्रिकेट बोर्ड के भंग कs देलस। वर्ल्ड कप में श्रीलंकाई टीम के खराब प्रदर्शन के देखते ई फैसला लिहल गइल बा। एह वर्ल्डकप में श्रीलंका अभी ले 7 गो मैच खेलले बा। जेमे से खाली 2 गो मैच जीतल। 2 नवंबर के श्रीलंका वर्ल्डकप से बाहर हो गइल।
एह वर्ल्ड कप में भारत के अलावे दक्षिण अफ्रीका सेमीफाइनल में पहुंच चुकल बा। बाकी दुगो जगहन खातिर दउर में सबसे आगे ऑस्टेलिया के टीम बिया। ओकर पहुंचल लगभग तय बा। आखिरी स्थान खातिर पाकिस्तान, अफगानिस्तान आ न्यूजीलैंड के बीच दउर जारी बा। कुल मिलाके ई विश्वकप पूर्व चैंपियन खातिर एगो भुला देवे वाला बनके रह गइल बा।
Comments are closed.