श्रद्धा कपूर के भाई आ अभिनेता सिद्धान्त कपूर के ड्रग्स केस में पॉजिटिव मिलला का चलते बेंगलुरु पुलिस रेव पार्टी से हिरासत में ले लिहलसि. ऊ एह पार्टी में डीजे के रूप में शामिल हो गइल रहले. हालांकि ए मामला में उनुका 24 घंटा के भीतर जमानत मिल गईल। लेकिन पुलिस से पूछताछ के दौरान उ कहले कि पार्टी के लोग के पता नईखे कि उनुका लगे नशा बा।
हम डीजे बजावे आवेनी
रेव पार्टी में सिद्धान्त कपूर से पुलिस नशा के लेके पूछताछ कईलस। एह में ऊ कहले कि केहू हमरा के पेय आ सिगरेट देले बा, जवना में नशा मौजूद रहे। हमरा एह बात के जानकारी ना रहे कि पेय पदार्थ में नशा पहिलहीं से मौजूद बा. हमरा के हमेशा पार्टी में डीजे बजावे के नेवता दिहल जाला।
सिद्धान्त अक्सर बंगलौर आवेलें
डीसीपी पूर्वी मंडल बेंगलुरु सिटी भीमाशंकर कहले कि, सिद्धांत अपना बयान में दावा कईले बाड़े कि उनुका पेय पदार्थ में नशा मिलावल रहे। एह बारे में ओह लोग के जानकारी ना रहे. उ आगे कहले कि उ अक्सर बंगलौर में डीजे के रूप में पार्टी में शामिल होखे आवेले। उ होटल गईल रहले जहां से चउथा बेर उनुका के गिरफ्तार कईल गईल रहे। हालांकि हमनी के लगे मेहमान सूची अवुरी संदिग्ध लोग के नाम बा, जेकरा से अभी तक आगे पूछताछ नईखे भईल।
नशा के तस्करी के कोण के भी जांच कईल जाई
डीसीपी आगे कहले कि बेंगलुरु में सिद्धान्त के बहुत दोस्त बाड़े। ए मामला में सिद्धान्त के अलावे हमनी के माइंड फायर बिजनेस मैनेजर अखिल सोनी, उद्योगपति हरजोत सिंह समेत दुगो अवरू आरोपी के मोबाइल भी जब्त क लेले बानी अवरू डेटा रिकवरी खाती भेजल गईल बा। हमनी के ए मामला के ड्रग तस्करी के कोण से भी जांच कर रहल बानी। एकरा अलावे होटल मालिक अवुरी रेव पार्टी के आयोजक के नोटिस भी भेजल गईल बा। इवेंट मैनेजमेंट कंपनी के प्रतिनिधि से भी पूछताछ खातिर बोलावल गईल बा।
