मथुरा में शाही मस्जिद ईदगाह के विवाद के बाद एगो अउरी नया मामला सोझे आइल बा। अखिल भारत हिंदू महासभा के राष्ट्रीय कोषाध्यक्ष दिनेश शर्मा श्रीकृष्ण जन्मस्थान के निकट स्थित एगो अउरी मस्जिद के ठाकुर केशवदेव के 13.37 एकड़ जमीन में बनल बतवलें बानें।
अदालत में दावा कइल गइल बा कि ई मस्जिद अवैध अतिक्रमण हवे। हाल ही में एहपर नया निर्माण भी कइल गइल बा जौन कि गलत बा। अदालत से एके हटावे के मांग कइल गइल बा।
महासभा के कोषाध्यक्ष सिविल जज सीनियर डिवीजन के अदालत में देहल वाद में कहले बानें कि औरंगजेब श्रीकृष्ण जन्मभूमि मंदिर के तुड़लस अउर शाही ईदगाह के अतिक्रमण के रूप में खड़ा कइलस।
ओकरे औरंगजेब के वंशज श्रीकृष्ण जन्मभूमि मंदिर के पूर्वी सीमा पर कथित मीना मस्जिद बना डरलें जौन कि गलत बा अउरी एके एह जमीन से हटावल जाई। एके लेकर कइल गइल दावा में उनके सुन्नी वक्फ बोर्ड के अलावा मीना मस्जिद के सचिव के पार्टी बनावल गइल बा। अदालत दावा पर सुनवाई खातिर 26 अक्तूबर के तारीख लगवले बा।
