महाराष्ट्र विधानसभा चुनाव में कई रंग देखाई देता। टिकट ना मिलला पs खिसियाइल शिंदे शिवसेना नेता श्रीनिवास वनगा के नॉट रीचेबल बाड़न. पिछला 13 घंटा से उनुकर फोन बंद बा। बता दीं कि टिकट ना मिलला के चलते ओनेगा बहुत दुखी बाड़े अवुरी उ एकरा प बहुत रोवे लगले अवुरी अब उ गायब बाड़े। वनगा के परिवार के कहनाम बा कि जवना प्रेस कांफ्रेंस के बाद उs अपना गाड़ी में कहीं निकलल रहले, ओकरा बाद उनुकर दुनो फोन भी बंद हो गईल बा। अब पालघर पुलिस वनगा के तलाश में लागल बिया। वनगा के आक्रोश के जानकारी सोझा अईला के बाद एकनाथ शिंदे अपना पत्नी से बात कईले अवुरी परिवार के भरोसा देले कि श्रीनिवास के उचित सम्मान दिहल जाई।
पालघर सीट से कटल टिकट तs फूट-फूटके रोअले
शिंदे गुट के बइठल विधायक श्रीनिवास वनगा महाराष्ट्र के पालघर विधानसभा सीट से चुनाव लड़ल चाहत रहले बाकिर सोमार के दिने जब एह सीट से केहू दोसरा के नाम के एलान भइल तs वनगा दुखी हो गइलन. टिकट कटला पs रोवे लगले आ बुरा लागल। बता दीं कि सीएम शिंदे के शिवसेना जब पालघर सीट से राजेंद्र गावित के आपन उम्मीदवार बनवलस तs श्रीनिवास आरोप लगवले कि शिंदे उनुका संगे धोखा कईले बाड़े।
एगो परेशान श्रीनिवास शिंदे पs आरोप लगवले कि विद्रोह के दौरान उनुकर समर्थन करेवाला 40 में से 39 विधायक के फेर से टिकट दिहल गईल बा, बाकिर उनुका के खुद टिकट ना दिहल गईल। एकरा संगे श्रीनिवास वनगा के पत्नी के कहनाम बा कि टिकट ना मिलला के चलते उनुकर पति डिप्रेशन में चल गईल बाड़े। अतवार से उs खाना नईखन खात अवुरी लगातार रोवत बाड़े। पत्नी कहली कि दुनो लोग आत्महत्या के बात तक करत रहले। उनुकर पत्नी तs इहाँ ले कहली कि उद्धव ठाकरे जईसन देवता निहन आदमी के छोड़ल एs लोग के परिवार के सबसे बड़ गलती बा।
