शाहजहांपुर में मंगर के दिने एगो शादीशुदा महिला के संदिग्ध हालात में मौत हो गइल। जानकारी मिलते उनकर माता-पिता सरकारी मेडिकल कॉलेज पहुंचले, जहां बियाहल महिला के लाश मिलल। ओकर ससुराल के लोग फरार बाड़े। माता-पिता ओकरा पs हत्या के आरोप लगवले बाड़े।
शाहजहांपुर के सिंधौली थाना क्षेत्र के नथुआपुर गांव निवासी मुनेन्द्र कुमार के 21 साल के पत्नी राजमालती के संदिग्ध परिस्थिति में मौत हो गइल। आरोप बा कि दहेज खाती हत्या आ लाश के जरावे के कोशिश कइल गइल। राजमालती के माता-पिता सरकारी मेडिकल कॉलेज पहुंचला पs मृत मिलल। उनका ससुराल के लोग ना रहे।
गांव आयुं निवासी सावित्री देवी 6 महीना पहिले अपना बेटी राजमालती के बियाह मुनेन्द्र से कइले रहली। उनकर आरोप बा कि बेटी के ससुराल के लोग दहेज के रूप में एक लाख रुपया अउरी सोना के अंगूठी मांगत रहले। एकरा संबंध में कई बेर पंचायत के आयोजनो भइल। मंगर के दिने राज मालती के संदिग्ध हालात में मौत हो गइल। जब उनकर माता-पिता सरकारी मेडिकल कॉलेज पहुंचले तऽ बेटी मरल मिलल।
आरोप बा कि उनका के जरा के हत्या कऽ दिहल गइल। गांव के आदमी के जानकारी पs परिवार के लोग पहुंचले। मरेवाली के माई हत्या के आरोप लगावत थाना में शिकायत दर्ज करवले बाड़ी। पुलिस लाश के अपना हिरासत में लेके पोस्टमार्टम खातिर भेज देले बिया। थाना प्रभारी सीपी शुक्ला बतवले कि शिकायत के आधार पसे मामला दर्ज कऽ के कार्रवाई कइल जाई।
