हफ्ता के पहिला कारोबारी दिन माने आज, सोमार (6 नवंबर) के शेयर बाजार में तेजी देखे के मिल रहल बा। सेंसेक्स 472 अंक की तेजी के संगे 64,835 के स्तर पs खुलल बा। ओहिजा निफ्टी में 115 अंक के तेजी बा, ई 19,345 के स्तर पs ओपन भइल। सुरुआती कारोबार के दौरान सेंसेक्स के सब 30 शेयरन में तेजी देखे के मिल रहल बा।
सेलो वर्ल्ड के शेयर 829 रुपिया पs लिस्ट
सेलो वर्ल्ड के शेयर के आज शेयर बाजार में सानदार लिस्टिंग भइल। NSE पs ई 27.9% प्रीमियम के संगे 829 रुपिया पs लिस्ट भइल। ओहिजा, BSE पs ई 831 रुपिया पs लिस्ट भइल। सेलो वर्ल्ड के इश्यू प्राइस 648 रुपिया रहे।
प्रोटीन ईगॉव टेक्नोलॉजीज के IPO आज से ओपन
प्रोटीन ईगॉव टेक्नोलॉजीज लिमिटेड के इनिशियल पब्लिक ऑफर माने IPO आज ओपन हो गइल बा। रिटेल निवेशक एह IPO खातिर आज माने 6 नवंबर से 8 नवंबर तक बोली लगा सकी लो 17 नवंबर के कंपनी के शेयर नेशनल स्टॉक एक्सचेंज (NSE) आ बॉम्बे स्टॉक एक्सचेंज (BSE) पs लिस्ट होई।
एकर IPO के प्राइस बैंड ₹752-₹792 तय कइल गइल बा। रिटेल निवेशक मिनिमम एगो लॉट माने 18 शेयरन खातिर बिडिंग कs सकत बा लो। जदि रउआ IPO के अपर प्राइज बैंड ₹792 के हिसाब से 1 लॉट खातिर अप्लाय करत बानी, तs एकरा खातिर ₹14,256 इन्वेस्ट करे के होई। ओहिजा एकर IPO खातिर रिटेल निवेशक मैक्सिमम 14 लॉट माने 252 शेयरन खातिर अप्लाय कs सकत बा। एकरा खातिर निवेशकन के अपर प्राइज बैंड के हिसाब से ₹199,584 खर्च करे के होई।
आज आई कइयन कंपनियन के तिमाही नतीजा
आज कइयन कंपनियन के वित्त वर्ष 2023-24 के दूसरका तिमाही (जुलाई-सितंबर) के नतीजा जारी होई। एह कंपनियन में डिविस लैबोरेट्रीज एक्साइड इंडस्ट्रीज, HPCL, अडाणी एनर्जी, बिकाजी फूड्स ग्लान्ड फार्मा आ RR केबल सहित कइयन कंपनी सामिल बाड़ी।
बैंक ऑफ बड़ौदा के नेट प्रॉफिट 28.3% बढ़ा
बैंक ऑफ बड़ौदा बिहान फाइनेंशियल ईयर 2023-24 के दूसरका क्वार्टर (Q2FY24) के नतीजा जारी कइलस। जुलाई- सितंबर क्वार्टर में बैंक के सालाना आधार पs₹4,252.89 करोड़ के नेट प्रॉफिट भइल बा। पिछला साल ई ₹3,313 करोड़ रहे। पिछला साल के मुकाबले एमे 28.3% के ग्रोथ देखल गइल बा।
ओहिजा दूसरका तिमाही में बैंक के नेट इंटरेस्ट इनकम (NII) ₹10,831 करोड़ रहल। सालाना आधार पs एमे 6.4% बढ़न्ती भइल बा। पिछला साल ई ₹10,174 करोड़ रहे।
पिछिला हफ्ता बाजार में रहल रहे तेजी
पिछला कारोबारी सप्ताह के आखिरी दिन माने सुक (3 नवंबर) के शेयर बाजार में तेजी देखे के मिलल रहे। सेंसेक्स 282 अंक के तेजी के संगे 64,363 के स्तर पs बंद भइल रहे। ओहिजा निफ्टी में 97 अंक के तेजी रहल रहे, ई 19,230 के स्तर पs बंद भइल रहे। पिछला पूरा कारोबारी हफ्ता में सेंसेक्स 1.37% चढ़ल रहे। निफ्टी में 1.15% के तेजी रहल रहे।
