घरेलू बाजार के हाल बेहाल- Sensex 1000 अंक गिरल, Nifty 17,350 से नीचे, निवेशकन के भइल 4 लाख करोड़ के नुकसान

By Anurag Ranjan On Sep 23, 2022

ग्लोबल मार्केट में गिरावट के देखत घरेलू बेंचमार्क सूचकांक सुक के लाल निशान में खुलल। इंट्रा-डे ट्रेड के दौरान बेंचमार्क कई बिंदुअन पs फिसल गइल।

एसे निवेशकन के लगभग 4 लाख करोड़ रुपिया के नुकसान भइल। बीएसई में लिस्टेड सब कंपनियन के मार्केट कैप फिसलके 277.58 लाख करोड़ रुपिया पs आ गइल।

दुपहरिया 2:30 बजे बाजार के हाल

बीएसई सेंसेक्स (BSE Sensex) दुपहर करीब 2:30 बजे 1,000 अंक से बेसी के गिरावट के संगे 58,100 के स्तर पs कारोबार करत रहे। जबकि एनएसई निफ्टी 300 अंक से बेसी गिरके 17,350 अंक से नीचे आ गइल। निफ्टी मीडिया, निफ्टी फार्मा, निफ्टी मेटल इंडेक्स मामूली बढ़त के साथे खुलल। निफ्टी बैंक, निफ्टी रियल्टी, निफ्टी एनर्जी इंडेक्स सबसे बेसी करीब 1 फीसदी के गिरावट के साथे खुलल।

सूचकांकन में मिलल बढ़त

टाटा स्टील, एचयूएल, इंफोसिस, एचसीएल टेक, टाइटन, आईटीसी, सन फार्मा सूचकांकन में बढ़त हासिल कइलस। पावर ग्रिड, टेक महिंद्रा, एचडीएफसी ट्विन्स, इंडसइंड बैंक, एक्सिस बैंक, कोटक बैंक, एनटीपीसी, दूसरा ओर शीर्ष पs रहल। महिंद्रा एंड महिंद्रा फाइनेंस के भारतीय रिजर्व बैंक (RBI) द्वारा बियफे के अगिला आदेश तक ऋण वसूली आ रीपॉजेशन एक्टिविटी खातिर तीसरा पक्ष के सेवा के उपयोग करे पs रोक लगा दिहल गइल बा। जवना के बाद लगभग 10 प्रतिशत के गिरावट दर्ज कइल गइल।

टाटा स्टील के भइल 2 फीसदी के फायदा

कंपनी के बोर्ड द्वारा टाटा ग्रुप के सात मेटल कंपनियन के अपना साथे मर्जर के मंजूरी देहल गइला के बाद टाटा स्टील के 2 फीसदी से बेसी के फायदा भइल। 22 सितंबर से मोटरसाइकिल आ स्कूटर के कीमतन में बढ़ोतरी के बाद हीरो मोटोकॉर्प के शेयर लाल निशान में रहे। व्यापक बाजारो सूचकांक के अनुरूप गिरल। निफ्टी स्मॉलकैप 100 आ निफ्टी मिडकैप 100 इंडेक्स शुरुआती कारोबार में 0.2 फीसदी से बेसी लुढ़क गइल।

एशियाई शेयरन में आइल गिरावट

अंतरराष्ट्रीय व्यापार में फेडरल रिजर्व आ आउर केंद्रीय बैंकन द्वारा लगातार मुद्रास्फीति के नियंत्रित करे खातिर संभावित वैश्विक मंदी के आशंका के नियंत्रित करे के कारण एशियाई शेयरन में सुक के तीसरा दिन गिरावट आइल। एसएंडपी 500 0.8 फीसदी के गिरावट के साथ 3,757.99 पs बंद भइल। डॉव जोन्स इंडस्ट्रियल एवरेज 0.4 फीसदी गिरके 30,076.68 आ नैस्डैक कंपोजिट 1.4 फीसदी गिरके 11,066.81 पs बंद भइल।