सेम्बी’ एगो तमिल भाषा के ड्रामा थ्रिलर फिलिम बिया। अब ई फिल्म डिजिटल प्लेटफॉर्म पs प्रीमियर खातिर पूरा तरह से तईयार बीया।फिल्म ‘सेम्बी’ में कोवई सरला और अश्विन लक्ष्मीकांत मुख्य भूमिका निभवले बा लोग। एह फिल्म में थम्बी रमैया आ नंजिल संपत भी बाड़े। ‘सेम्बी’ के प्रभु सोलोमन निर्देशित कइले बाड़े । एह फिल्म मेकर्स लोग आज सोशल मीडिया प्लेटफार्म पs , ओटीटी प्लेटफॉर्म पs रिलीज करने की घोषणा कइले बाड़े अउरी इहो बतवले हs लोग कि ई फिल्म कब अउरी कहां रिलीज होई।
सेम्बी’ एगो तमिल भाषा के ड्रामा थ्रिलर फिलिम बिया। अब ई फिल्म डिजिटल प्लेटफॉर्म पs प्रीमियर खातिर पूरा तरह से तईयार बीया। आजे एह बात के घोसणा एह फिलिम के मेकर्स लोग सोशल मीडिया प्लेटफार्म पs कईलस हs।
दर्शक लोगन के ई फिल्म ओटीटी प्लेटफॉर्म डिज्नी प्लस हॉटस्टार पs देखे के मिली। दरअसल, मेकर्स लोग ई घोषणा कइले बा कि एगो इंटेंस इमोशनल थ्रिलर तमिल फिल्म ‘सेम्बी’ ओटीटी प्लेटफॉर्म डिज्नी प्लस हॉटस्टार पs प्रीमियर खातिर पूरा तरह तईयार बीया। ई फिल्म के स्ट्मिंग 3 फरवरी, 2023 से डिजनी प्लस हॉटस्टार पs शुरू होई।
सेम्बी’ के कहानी एगो 10 बरीस के सेम्बी आ ओकर दादी वीराथयी के इर्द-गिर्द घूमत बीया , जे लोग मधुमक्खी पालन से आपन जिनगी के केहू तरे घिंच- घांच के गुजर बसर कर रहल बा लोग , कोडाइकनाल के पहाड़ी क्षेत्रन में बड़ा सुख आ शांति से रहत बा लोग । उ लोग एगो बड़ा निमन जिनगी जीयत रहेला, बाकिर एक दिने तीन गो खूंखार बदमाश सेम्बी के यौन उत्पीड़न करत बाड़े सs आ ओह लोग मय सपना झट से तूर देत बाड़े सs। एगो पुलिस अधिकारी सेम्बी के बहुते पीटत बा आ ओकरा दादी के एह मामला के वापस लेबे खातिर मजबूर करत बा ।
फिल्म ‘सेम्बी’ में संगीत निवास प्रसन्ना के बा आ छायांकन जीवन कइले बाड़े । फिल्म के संपादन बुवन कइले बाड़े। ई फिल्म ट्राइडेंट आर्ट्स आ एआर एंटरटेनमेंट द्वारा संयुक्त रूप से निर्मित बिया। ई एगो इमोशनल ड्रामा फिल्म बीया, जवन एगो दुर्व्यवहार पीड़िता आ ओकरी दादी के न्याय खातिर लड़त लड़ाई के कहानी के दर्शावत बा। अब एह फिल्म के माजा दर्शक लोग ओटीटी पs भी ले सकत बाड़े ।
