संजय लीला भंसाली के फिल्म ‘हीरामंडी: द डायमंड बाजार’ के लोग बेसब्री से इंतजार करत बाड़े। मेकर लोग एह वेब सीरीज के बहुते झलक देखा चुकल रहुवे बाकिर रिलीज के तारीख के बारे में कवनो टिप्पणी नइखे भइल। अइसना में हताश प्रशंसक लगातार पूछत रहले कि ई सीरीज कब रिलीज होई।#HeeramandiKabReleaseHogi भी काल्ह सोशल मीडिया पर ट्रेंड करत रहल। अब आखिरकार मेकर्स एकर रिलीज डेट के एलान कs दिहले बाड़न।ऊ साफ कs दिहलन कि कब सबले बेसी प्रतीक्षित वेब सीरीज रिलीज होखे वाला बा।
रिलीज के तारीख के एलान
नेटफ्लिक्स आ निर्देशक संजय लीला भंसाली मुंबई के महालक्ष्मी रेस कोर्स के उपर एगो भव्य ड्रोन शो में ‘हीरामंडी: द डायमंड बाजार’ के रिलीज डेट के एलान कइलन। बतावल गइल कि एह वेब सीरीज के प्रीमियर 1 मई 2024 के होखी। एह दौरान प्रमुख अभिनेत्री मनीषा कोइराला, सोनाक्षी सिन्हा, ऋचा चढ़ा, शर्मिन सहगल आ संजीदा शेख संजय लीला भंसाली के फिलिम ‘हीरामंडी’ में बाड़ी। रिलीज डेट के घोषणा करे खातिर 1000 ड्रोन के इस्तेमाल कईल गईल जवन कि एगो खास पल से कम ना रहे।
संजय लीला भंसाली प्रशंसकन के प्रतिक्रिया के इंतजार करत बाड़े
प्रीमियर डेट के एलान करत निर्देशक संजय लीला भंसाली कहले कि, ‘हीरामंडी: द डिमांड बाजार के दुनिया के नेटफ्लिक्स पs ले आवे में जवन जज्बा अवुरी समर्पण देखवलस, ओकरा खातीर हम पूरा टीम के आभारी बानी।’ एक मई के रिलीज होखला के बाद हमनी के दुनिया भर के दर्शकन के प्रतिक्रिया के इंतजार करब जा। बता दीं कि एह भव्य ड्रोन शो में एह धारावाहिक में मौजूद घुंघरू, झारोखा आ आदाब जइसन तत्वन के देखावल गइल। एकरा से आगे बहुत अद्भुत चीज देखे के रहे।
Comments are closed.