सेलिब्रिटी के शराब के ब्रांड्स से जुड़ाव नया नइखे। हॉलीवुड आ बॉलीवुड के कइयन गो हस्ती शराब के ब्रांड्स के प्रमोशन आ ओमे निवेश खातिर सुर्खियन में रहल बा। अब एह सूची में एक्टर संजय दत्त के नामो जुड़ गइल बा। ऊ अल्कोहल आ बेवरेज स्टार्टअप Cartel & Bros में निवेश कs के द ग्लेनवॉक (The Glenwalk) नाम के स्कॉच व्हिस्की ब्रांड लागू कइले बाड़ें।
ई कंपनी भारत में शराब के ब्रांड्स के इंपोर्ट आ ओकर खुदरा बिक्री के तइयारी में बा। ई कंपनी Living Liquidz के सैनी, Drink Bar Academy के जे एस मेरानी आ Morgan Beaverages के रोहन निहलानी के संगे पार्टनरशिपो कइले बिया। Living Liquidz देस के प्रमुख लीकर रिटेल चेन में से एगो हs।
बहरहाल, संजय दत्त के एह निवेश के टाइमिंग बहुते अहम बा। भारत में अल्कोहल मार्केट बहुते तेजी से बढ़ रहल बा। स्कॉच व्हिस्की एसोसिएशन (SWA) के आंकड़न के मोताबिक, 2022 में स्कॉच व्हिस्की इंपोर्ट के ममिला में भारत फ्रांस के पीछे छोड़ देलस। एह दौरान भारत के शराब इंपोर्ट में वॉल्यूम के लिहाज से 60 प्रतिशत के बढ़न्ती भइल बा।
