भारतीय जनता पार्टी के बिहार इकाई में बहुत बड़ बदलाव भईल बा। सम्राट चौधरी के प्रदेश अध्यक्ष पद से हटा दिहल गइल बा. उनुका जगहा दिलीप जायसवाल के भाजपा प्रदेश अध्यक्ष के जिम्मेवारी दिहल गइल बा. दिलीप जायसवाल फिलहाल राजस्व भूमि सुधार मंत्री बाड़े दिलीप जायसवाल वैश्य समुदाय से आवेले।
सम्राट चौधरी नीतीश सरकार में डिप्टी सीएम बाड़े
नीतीश कुमार के एनडीए में शामिल भईला के बाद पार्टी सम्राट चौधरी के डिप्टी सीएम बनवलस। ओकरा बाद से अटकलबाजी चलत रहे कि भाजपा के प्रदेश अध्यक्ष के जिम्मेवारी केहू दोसरा के दिहल जा सकेला. अब लोकसभा चुनाव के बाद शीर्ष नेतृत्व बदलाव के एलान कइले बा. एs संबंध में पार्टी के ओर से चिट्ठी भी जारी कईल गईल बा।
दिलीप जायसवाल के हवें?
दिलीप जायसवाल मूल रूप से खगड़िया जिला के निवासी हवें। उs एमएलसी हवे अवुरी वर्तमान राज्य सरकार में भूमि राजस्व मंत्री बाड़े। उs तीसरी बेर विधान परिषद के सदस्य बनल बाड़े। उs लगातार 20 साल से बिहार प्रदेश भाजपा के कोषाध्यक्ष भी बाड़े। उs सिक्किम भाजपा के प्रभारी भी बाड़े।
एही बीच भाजपा नयका राज्य प्रभारी के घोषणा भी कईले बिया। हरीश द्विवेदी असम, अतुल गर्ग चंडीगढ़, अरविंद मेनन लक्षद्वीप, राधा मोहन दास अग्रवाल राजस्थान, अरविंद मेनन तमिलनाडु आ राजदीप रॉय त्रिपुरा के बनावल गइल बा.
