सैफ अली खान पs भईल जानलेवा हमला पूरा बॉलीवुड इंडस्ट्री के ना बालुक देश के भी झकझोर देले बा। एक ओर बॉलीवुड स्टार अवुरी सैफ के प्रशंसक उनुका सेहत के चिंता में बाड़े, तs दोसरा ओर पुलिस लगातार जांच करतिया अवुरी हमलावर के पकड़े के कोशिश करतिया। हमलावर सैफ के घर में घुस के चाकू से 6 गोली मार देलस, जवना में से दु घाव बहुत गंभीर रहे। सैफ अली खान के हालत जाने खातिर प्रशंसक बेताब बाड़े। एही बीच, अभिनेता के ताज़ा स्वास्थ्य अपडेट अस्पताल के ओर से जारी कईल गईल बा।
सैफ अली खान के ताजा स्वास्थ्य अपडेट
हमला के बाद सैफ अली खान के लीलावती अस्पताल में भर्ती करावल गईल बा। अब एह अभिनेता के ताजा स्वास्थ्य अपडेट अस्पताल प्रशासन जारी कs दिहले बा जवना के मुताबिक सैफ पहिले से बेहतर बाड़े अवुरी अब उनुका के आईसीयू से नॉर्मल रूम में भेज दिहल गईल बा। जल्दिए अभिनेता के भी अस्पताल से छुट्टी दे दिहल जाई।
सैफ अली खान पs चाकू से हमला भईल
सैफ अली खान के रीढ़ के हड्डी में घुस के चाकू टूट गईल, जवना के निकाल दिहल गईल बा। उनुका गरदन में भी गहिराह घाव बा। उनुका हाथ अवुरी पेट में भी चाकू से चोट लागल बा। ऑपरेशन के बाद पीठ में डालल चाकू के टुकड़ा निकाल दिहल गईल बा। गर्दन आ छाती पs लागल चोट के सर्जरी करावल गइल बा. सैफ अली खान अब लीलावती अस्पताल में खतरा से बाहर बाड़े।
जल्दिये डिस्चार्ज हो जईहे
डॉक्टर के कहनाम बा कि सैफ अली खान के जल्दिए डिस्चार्ज हो जाई, बाकिर अब कई दिन तक उs ना चल पईहे। उनुकर घाव अबे ले ठीक नईखे भईल, एहसे उनुका परिवार के लोग के अलावे बाहरी लोग के उनुका से मिले पs रोक लगा दिहल गईल बा, काहेंकी जदी घाव ठीक ना भइल तs संक्रमण के खतरा हो सकता।
इहो पढ़ीं: पुण्यतिथी विशेष: बॉलीवुड में पहिला हाली भोजपुरी गीत आ जोगिरा के प्रयोग करे वाला पहिला गीतकार ‘मोती बी.ए’
