अग्निपथ योजना के खिलाफ बिहार में हो रहल उपद्रव के देखत राज्य सरकार 15 जिलन में इंटरनेट सेवा पs 19 जून से 48 घंटा खातिर लागल रोक के बढ़ा देले बिया। अब 20 जून तक सूबे के 15 जिलन में इंटरनेट बैन रही। असामाजिक तत्वन द्वारा फईलावल जा रहल अफवाह के रोके खातिर सब तरे के सोशल नेटवर्किंग साइट पs पाबंदी लगावल गइल बा। हालांकि एह जिलन में सरकारी कामकाज खातिर इस्तेमाल होखे वाला इंटरनेट सेवा बहाल रही।
कैमूर, भोजपुर, औरंगाबाद, रोहतास, बक्सर, नवादा, पश्चिम चंपारण, समस्तीपुर, लखीसराय, बेगूसराय, वैशाली, सारण, मुजफ्फरपुर, मोतिहारी आ दरभंगा में इंटरनेट के सेवा बाधित रही। अग्निपथ योजना के लेके तोड़फोड़, आगजनी आ रोड़ेबाजी के अधिकतर घटना एही जिलन में भइल बा।
एह App के कइल गइल बा बैन
– Facebook
– Twitter
– Whatsapp
– QQ
– Wechat
– Qzone
– Tublr
– Google+
– Baidu
– Skype
– Viber
– Line
– Snapchat
– Pinterest
– Telegram
– Reddit
– Snaptish
– Youtube (upload)
– Vinc
– Xanga
– Buaanet
– Flickr
