Noida: गार्डन गैलरिया मॉल में शराब पार्टी में स्क्रीन पs चलावल गइल रामायण, हिंदू संगठनन द्बारा पुलिस में शिकायत
एह ममिला में जीआईपी चौकी प्रभारी के तरफ से कोतवाली सेक्टर 39 में बार के मालिक, मैनेजर आ डीजे संचालक के खिलाफ मुकदमा दर्ज करावल गइल बा। फिलहाल सब आरोपी फरार बाड़े सs।
गार्डन गैलरिया के लॉर्ड ऑफ ड्रिंक बार में शराब पार्टी के दौरान स्क्रीन पs रामायण सीरियल देखावल गइला के ममिला सामने आइल बा। एह ममिला में कइयन गो हिंदू संगठन पुलिस से शिकायत कइले बाड़ी सs आ ट्विटर पs मिलल शिकायत के आधार पs पुलिस एह ममिला के संज्ञान लेलस।
एह ममिला में जीआईपी चौकी प्रभारी के तरफ से कोतवाली सेक्टर 39 में बार के मालिक, मैनेजर आ डीजे संचालक के खिलाफ मुकदमा दर्ज करावल गइल बा। फिलहाल सब आरोपी फरार बाड़े सs आ प्राथमिक जांच में बार में काम करे वाला लोगन के कहनाम बा कि पार्टी के दौरान गलती से रामायण के क्लिप चल गइल रहे। तबे केहू 12 सेकंड के एगो वीडियो बना लिहल जवन सोशल मीडिया पs वायरल हो गइल।
नोएडा में राम के साथ भद्दा मजाक। गार्डन गैलेरिया मॉल के ‘लॉर्ड ऑफ ड्रिंक्स’ बार में इस तरह राम-रावण युद्ध से जुड़े संवाद को डब करके चलाया जा रहा है।
यह वीडियो सोशल मीडिया पर आने के बाद लोगों में गुस्सा है। @noidapolice @coprajaneesh #gardengalleria pic.twitter.com/UEJwH3n8RA— Tricity Today (@tricitytoday) April 10, 2023
क्लब के खिलाफ लोगन के गुस्सा
गार्डन गैलेरिया मॉल के ‘लॉर्ड ऑफ ड्रिंक्स’ बार में एह तरे के धर्म के आपत्तिजनक वीडियो चलावल धर्म के खिलाफ बा। ई वीडियो सोशल मीडिया पs अइला के बाद लोगन में गुस्सा बा। लोग लॉर्ड ऑफ ड्रिंक्स पs एक्शन के मांग कs रहल बा। वीडियो के संज्ञान में लेके कोतवाली सेक्टर-39 पुलिस क्लब के खिलाफ मुकदमा दर्ज कs लेले बिया। पुलिस ममिला के जांच कs रहल बिया।
मॉल में लगभग 40 क्लब
गार्डन गैलरिया मॉल में हर रोज सईयन के संख्या में जुवक आ जुवती लोग नाइट क्लबन में मनोरंजन खातिर आवेला लो। इहां पs भारी मात्रा में शराब के सेवन तक कइल जाला। मॉल में करीब 40 क्लब बा। अक्सर एह मॉल में मारपीट के वीडियो सामने आवत रहेला।
Comments are closed.