यूपी के हरदोई में कोलकाता से अमृतसर जाए वाली दुर्गियाना एक्सप्रेस (12357) के ओएचई वायर से टकरा के भारी विस्फोट भईल। इs ट्रेन बुध के सबेरे साढ़े तीन बजे लखनऊ से रवाना भईल। सबेरे पांच बजे उमरताली स्टेशन से गुजरते ही उs पटरी पs लटकल ओएचई तार से टकरा गईल। ट्रेन के टक्कर के बाद लाइन में फॉल्ट हो गईल अवुरी विस्फोट हो गईल। अब रेलवे एह मामिला में गहिराह साजिश के आशंका जतवले बिया. एह पूरा घटना के बारे में बता दीं.
ट्रेन ओएचई तार से टकरा गईल
असल में ई पूरा घटना बुध के दिने भइल. दुर्गियाना एक्सप्रेस पटरी पs लटकल ओएचई तार से टकरा गइल। पायलट ट्रेन रोक के उमरताली अवुरी दलेलनगर स्टेशन के सूचना देले। सूचना मिलते ही लखनऊ से आवे वाली सभ ट्रेन के रोक दिहल गईल। करीब छह घंटा बाद दुर्गियाना एक्सप्रेस डीजल इंजन से चालू हो गईल। एs घटना के बाद राजधानी अवुरी वंदे भारत के डायवर्ट कs दिहल गईल। एकरा संगे करीब दु दर्जन ट्रेन के रूट भी बदलल गईल। रेलवे दू गो ट्रेन रद्द कs दिहले रहुवे.
गहिराह साजिश के शक
अब एह पूरा मामिला में रेलवे के तरफ से गहिराह साजिश के संकेत मिलत बा. रेलवे के आशंका बा कि यूपी के हरदोई में बिजली के शार्ट सर्किट से ट्रेन के धमाका करे के साजिश रचल रहे। दुर्गियाना एक्सप्रेस ट्रेन जहां टकरा गईल रहे ओहिजा बिजली के खंभा के केबल के केहु छेड़छाड़ कईले। रेलवे एs मामला के जांच करतिया.
