पश्चिम बंगाल में ममता सरकार के मंत्री अखिल गिरी राष्ट्रपति द्रौपदी मुर्मू के लुक पर टिप्पणी करत कैमरा में कैद भइल बानें। मामिला नंदीग्राम में एगो भीड़ के संबोधित कइले के दौरान के बतावल जा रहल बा। अब घटना के वीडियो सोशल मीडिया पर खूब वायरल हो रहल बा। एह वीडियो पर भाजपा कड़ा निंदा कइले बीया। मामला अब राष्ट्रीय महिला आयोग (एनसीडब्ल्यू) ले पहुंच गइल बा। ओंने, टीएमसी के दावा बा कि वास्तव में मंत्री जी कहत रहनें कि टीएमसी लोग के उनके लुक से नाइ आंकेले। हालांकि एह पर मंत्री जी राष्ट्रपति के उदाहरण दिहलें। उहवें, भाजपा दावा कइलस कि जब ऊ ई टिप्पणी कइलें त ममता बनर्जी के मंत्रिमंडल के महिला कल्याण विभाग के मंत्री शशि पंका भी उहाँ मौजूद रहली।
शहीद दिवस समारोह के मौका पर नंदीग्राम निर्वाचन क्षेत्र में अखिल गिरि विपक्षी नेता सुवेंदु अधिकारी से भिड़ल रहनें। अधिकारी के चुनौती देत, अखिल गिरि राष्ट्रपति द्रौपदी मुर्मू के नाम लिहले बिना उनके घसिटलें। ऊ कहनें कि तृणमूल लोग के उनके लुक से नाइ आंकेले। “ऊ (सुवेंदु अधिकारी) कहेने कि हम (अखिल गिरि) सुंदर नाइ हईं। उ केतना सुंदर बानें? हमनीके लोग के उनके रूप से नाइ आंकेनीं जा। हमनी के आपके राष्ट्रपति के कुर्सी केनसम्मान करेनी जा। रउआ राष्ट्रपति कइसन दिखेली?”
अब एह वीडियो पs पश्चिम बंगाल में नयका बवाल शुरू हो गइल बा। वीडियो के शेयर करत पश्चिम बंगाल बीजेपी ममता बनर्जी अउर तृणमूल पर आदिवासी विरोधी होखले के आरोप लगवलें। एहमें लिखल गइल बा, “अध्यक्ष द्रौपदी मुर्मू आदिवासी समुदाय से आवेली। तृणमूल कांग्रेस के सुधार गृह मंत्री अखिल गिरि महिला कल्याण विभाग के एगो दूसर मंत्री शशि पांजा के उपस्थिति में उनके बारे में आपत्तिजनक टिप्पणी कइली।
