हरियाणा के नुह में प्रशासन से अनुमति ना मिलला का बावजूद हिन्दू संगठन फेर से ब्रजमंडल यात्रा के बाहर निकाले के गोहार लगवले बाड़े। आज सबेरे 11 बजे ब्रज मंडल शोभयात्रा निकालल जाई। एकरा बारे में नुह समेत आसपास के जिला में सुरक्षा व्यवस्था कड़ा क दिहल गईल बा। विश्व हिन्दू परिषद के प्रवक्ता विनोद बंसल कहले बाड़न कि आजु सावन महीना के आखिरी सोमार के दिने हमनी के साधू लोग के आशीर्वाद से ‘जल अभिषेक’ करब जा। आज हमनी के नेता लोग अलग-अलग जगह पs नलहर मंदिर पहुंचे जा रहल बाड़े अवुरी उहाँ उ लोग ‘जल अभिषेक’ करीहे। उनुका संगे हिन्दू समुदाय के प्रतिनिधि भी रहीहे।
विश्व हिन्दू परिषद के प्रवक्ता के बयान के बाद पुलिस प्रशासन कवनो भी स्थिति से निपटे खातीर तैयार बा अवुरी नुह जिला प्रशासन एहतियात के उपाय करत स्कूल, कॉलेज अवुरी बाकी शैक्षणिक संस्थान अवुरी बैंक बंद करे के आदेश देले बा। जिला में हरियाणा पुलिस के करीब 1900 जवान अवुरी अर्धसैनिक बल के 24 कंपनी के भी तैनाती कईल गईल बा।
