भारत माता के मूर्ति हटावल : कार्रवाई करत पुलिस अवुरी राजस्व अधिकारी तमिलनाडु भाजपा कार्यालय के बहरी भारत माता के मूर्ति के हटा देले बाड़े। भाजपा तमिलनाडु के विरुधुनगर जिला में पार्टी कार्यालय के बहरी भारत माता के मूर्ति लगवले रहे। दूसर ओर अधिकारी बतवले कि मूर्ति के बिना अनुमति के लगावल गईल, जवन कि हाईकोर्ट के निर्देश अवुरी राज्य सरकार के ओर से जारी आदेश के खिलाफ बा।
खबर के मुताबिक, 9 से 11 अगस्त ले विरुधुनगर में प्रवेश करेवाला तमिलनाडु भाजपा प्रमुख अन्नामलाई के ‘एन माना, एन मक्कल’ पदयात्रा से पहिले भाजपा जिला पार्टी मुख्यालय में भारत माता के करिया पत्थर के मूर्ति लगा देले रहे। भाजपा मूर्ति हटावे के कार्रवाई के निंदा कईले बिया।
चेतावनी के बावजूद हटावे से इनकार क दिहलस
अधिकारी बतवले कि भाजपा कार्यकर्ता के राजस्व अधिकारी के ओर से मूर्ति हटावे के चेतावनी दिहल गईल रहे, लेकिन उ लोग ए आदेश के माने से इनकार क देले। पार्टी कार्यकर्ता के ओर से तर्क दिहल गईल, भूखंड के लगे उचित दस्तावेज बा अवुरी जिला भाजपा के ह अवुरी इ पार्टी के आंतरिक मामला ह।
घटना के निंदा करत तमिलनाडु भाजपा प्रमुख के अन्नामलाई कहले कि इ कदम जिला के दुनो डीएमके मंत्रियन के डर के नतीजा ह, काहेंकी हमनी के ‘एन मन, एन मक्कल’ यात्रा से डीएमके सरकार के भ्रष्टाचार के उजागर होखता।
भाजपा के एगो कार्यकर्त्ता कहले कि हमनी के पूरा भरोसा बा कि एकरा पीछे द्रविड़ मुनेत्र कड़गम (डीएमके) बाड़े अवुरी उ लोग अपना राजनीतिक बदला खातीर पुलिस अवुरी राजस्व अधिकारी के इस्तेमाल करतारे। हमनी के थलाइवर (नेता) अन्नमलाई के विरुधुनगर में आपन पदयात्रा सफलतापूर्वक पूरा करे से कुछुओ नईखे रोक सकत। बहुत चौंकावे वाला अवुरी शर्म के बात बा कि ए राज्य के लोग अपना मर्जी से भारत माता के मूर्ति तक नईखे लगा सकत।
विरुधुनगर भाजपा मुख्यालय एह साल मार्च में भाजपा के राष्ट्रीय अध्यक्ष जेपी नड्डा के ओर से उद्घाटन कईल दस पार्टी कार्यालय में से एगो रहे।
साभार- news24
