प्रधानमंत्री नरेंद्र मोदी के फोटो कोविड टीकाकरण प्रमाणपत्र से हटा दिहल गइल बा. कोरोना महामारी के दौरान टीकाकरण के बाद केंद्रीय स्वास्थ्य एवं परिवार कल्याण मंत्रालय के ओर से प्रमाणपत्र जारी कईल गईल, जवना पs नीचे पीएम मोदी के तस्वीर रहे। एह तस्वीर के कैप्शन रहे ‘Together, India will defeat COVID-19’। हालांकि अब कैप्शन मौजूद बा, बाकिर पीएम मोदी के फोटो हट गइल बा।
असल में संदीप मनुधाने नाम के एगो पूर्व उपयोगकर्ता अपना कोविड वैक्सीन सर्टिफिकेट के तस्वीर शेयर करत कहले कि पीएम के फोटो ओकरा से हटा दिहल गईल बा। उs लिखले कि, “मोदी जी अब कोविड वैक्सीन सर्टिफिकेट पs नईखन लउकत। बस वैक्सीन सर्टिफिकेट डाउनलोड कs के जांच कईले बानी, उनुकर तस्वीर ओकरा से हटा दिहल गईल बा।” अब अयीसन स्थिति में सवाल उठता कि पीएम मोदी के फोटो कोविड सर्टिफिकेट से काहें हटावल गईल बा।
सर्टिफिकेट से पीएम मोदी के फोटो काहे हटावल गईल?
स्वास्थ्य अवुरी परिवार कल्याण मंत्रालय के अधिकारी कहले बाड़े कि पीएम मोदी के फोटो टीकाकरण प्रमाणपत्र से हटा दिहल गईल बा, काहेंकी लोकसभा चुनाव खातीर आदर्श आचार संहिता लागू बा। संदीप मनुधाने भी अपना ट्वीट में इहे बात कहले बाड़े। लोकसभा चुनाव खातिर दू चरण के मतदान हो चुकल बा. फिलहाल आदर्श आचार संहिता लागू बा जवन चुनाव खतम होखला के बाद ही खतम होई।
पीएम मोदी के फोटो सर्टिफिकेट पहिले भी से हटा दिहल गईल रहले
हालांकि ई पहिला बेर नइखे कि पीएम मोदी के फोटो कोविड टीकाकरण प्रमाणपत्र से हटावल गइल बा. 2022 में गोवा, मणिपुर, उत्तराखंड, पंजाब, उत्तर प्रदेश समेत कई राज्यन में भइल विधानसभा चुनाव के दौरान भी प्रधानमंत्री के फोटो प्रमाणपत्र से हटा दिहल गइल रहे। चुनाव आयोग के ओर से अयीसन करे के निर्देश दिहल गईल। पीएम मोदी के तस्वीर के लेके चर्चा ओ समय हो रहल बा जब कोविशील्ड टीका के लेके विवाद बा।
टीका निर्माता कंपनी एस्ट्राजेनेका के कहना बा कि ओकरा टीका के दुष्प्रभाव हो सकेला. ब्रिटेन में चलत एगो केस के दौरान एस्ट्राजेनेका मान लिहलस कि ओकरा टीका से खून के थक्का हो सकेला. कोविशील्ड टीका भारत में एस्ट्राजेनेका के फार्मूला पs बनावल गइल रहे।
साभार- abp live
