US दौरा खातिर रवाना भइलें पीएम मोदी, बोललें- वैश्विक चुनौतियन के सामना करे खातिर साथ खड़ा बा भारत आ अमेरिका

प्रधानमंत्री नरेन्द्र मोदी मंगर के सबेरे अमेरिका यात्रा खातिर रवाना भइलें। ई उनकर पहिला आधिकारिक राजकीय यात्रा हs। ऊ न्यूयॉर्क में संयुक्त राष्ट्र मुख्यालय में योग दिवस समारोह में भाग लिहें। संगही अमेरिकी राष्ट्रपति जो बाइडन के संगे बातचीत करिहें।

#WATCH | Prime Minister Narendra Modi leaves from Delhi for his first official State visit to the United States.

He will attend Yoga Day celebrations at the UN HQ in New York and hold talks with US President Joe Biden & address to the Joint Session of the US Congress in… pic.twitter.com/y6avSoPpkd

— ANI (@ANI) June 20, 2023

कइयन गो कार्यक्रमन में सामिल होइहें पीएम मोदी

प्रधानमंत्री मोदी अपना यात्रा के दौरान वाशिंगटन डीसी में अमेरिकी कांग्रेस के संयुक्त सत्र के संबोधितो करिहें। संगही ऊ अमेरिकी कंपनियों के सीईओ से मिलिहें आ भारतीय समुदाय के संगे बातचीत करिहें।

भारत-अमेरिका संबंधन पs का बोललें पीएम मोदी

अपना यात्रा से पहिले पीएम मोदी कहलें कि अमेरिका यात्रा हमनी के साझेदारी के मजबूती आ विविधता के समृद्ध करे के अवसर बा। ऊ ट्वीट कइलें कि हमनी के बेयपार, वाणिज्य, नवाचार, प्रौद्योगिकी आ अइसन आउर क्षेत्रन में भारत-अमेरिका संबंधन के मजबूत कइल चाहत बानी सs।

पीएम मोदी कहलें

भारत-अमेरिका संबंध बहुआयामी हs, सब क्षेत्रन में गहिराह जुड़ाव रहल बा। राष्ट्रपति जो बाइडन आउर वरिष्ठ अमेरिकी नेता लोगन के संगे हमरा चरचा द्विपक्षीय सहजोग के मजबूत करे के अवसर प्रदान करी। हमरा विश्वास बा कि हमार अमेरिका यात्रा लोकतंत्र, विविधता आ स्वतंत्रता के साझा मूल्यन पs आधारित हमनी के संबंधन के मजबूत करी।

मिस्र यात्रा के लेके पीएम मोदी उत्साहित

पीएम मोदी कहलें कि साझा वैश्विक चुनौतियन से निपटे में भारत आ अमेरिका एक संगे मजबूती से खड़ा बा। ओहिजा, पीएम मोदी अपना आवे आला मिस्र यात्रा के लेके खुसी जतवलें। पीएम कहलें कि पहिला बेर करीबी मित्र देस के राजकीय यात्रा के लेके उत्साहित बानी।

प्रधानमंत्री मोदी कहलें

हम संबंधन के आउर मजबूती देवे खातिर राष्ट्रपति अब्देल फतह अल-सिसी आ मिस्र के सरकार के संगे अपना चरचा खातिर इंतजार कर रहल बानी।

5719610cookie-checkUS दौरा खातिर रवाना भइलें पीएम मोदी, बोललें- वैश्विक चुनौतियन के सामना करे खातिर साथ खड़ा बा भारत आ अमेरिकाno