PM मोदी देवघर में करिहें 16,835 करोड़ के योजनन के उद्घाटन आ शिलान्यास, देखीं पूरा लिस्ट

प्रधानमंत्री नरेंद्र मोदी 12 जुलाई के देवघर आ रहल बाड़े। उहां उ 16,835 करोड़ के योजना के उद्घाटन आ  शिलान्यास करिहें। एह में 6565 करोड़ के योजना के शिलान्यास कइल जाई। पीएम मोदी जवना योजना के शिलान्यास करे जा रहल बाड़न ओहमें सड़क, परिवहन आ राजमार्ग मंत्रालय के आठ गो परियोजना, रेल मंत्रालय के तीन गो परियोजना आ पेट्रोलियम आ प्राकृतिक गैस मंत्रालय के एगो परियोजना शामिल बा।

प्रधानमंत्री 10,270 करोड़ के योजना के उद्घाटनो करिहें। एहमें नागरिक उड्डयन, पर्यटन, स्वास्थ्य आ परिवार कल्याण मंत्रालय के एकह गो योजना, रेलवे के दू गो, पेट्रोलियम आ प्राकृतिक गैस मंत्रालय के तीन गो आ सड़क, परिवहन आ राजमार्ग मंत्रालय के पाँच गो योजना बा।

राँची में 853 करोड़ योजना के शिलान्यास :

झारखंड यात्रा के दौरान प्रधानमंत्री राजधानी रांची के कइयन गो योजना उपहार में दिहे। उ राजधानी में 853 करोड़ के योजना के शिलान्यास करिहें। एहमें कचहरी चौक से पिस्का मोर ले एलिवेटेड रोड, इटकी आरओबी आ रांची स्टेशन के रिडेवलपमेंट शामिल बा।

2897210cookie-checkPM मोदी देवघर में करिहें 16,835 करोड़ के योजनन के उद्घाटन आ शिलान्यास, देखीं पूरा लिस्टno