गोरखपुर: गोरखपुर जंक्शन के प्लेटफार्म नंबर एक पs प्रधानमंत्री नरेंद्र मोदी 14 मिनट मवजूद रहे। एह दौरान ऊ सी वन कोच में भीतर जाके लईकन से वार्ता कइलें। एकरा बाद ऊ लोको पायलट केबिन में जाके लोको पायलट से वार्ता कइलें। गोरखपुर जंक्शन के मॉडल के देखला के बाद शिलान्यास कइलें। पहिले जोधपुर अहमदाबाद वंदे भारत के हरियर झंडी देखाके रवाना कइलें। ओकरा बाद गोरखपुर लखनऊ जाये वाली वंदे भारत के हरियर झंडी देखवलें। एकरा बाद अभिवादन करत 4.49 बजे लवट गइलें।
पीएम मोदी ट्रेन में लईकन से कइलें वार्ता
गोरखपुर रेलवे स्टेशन पs पीएम मोदी पहुंचलें। उहां पहुंचतही लोको पायलट से मिलला के बाद कोच से उतरके जंक्शन के मॉडल देखलें ओकर शिलान्यास कइलें। एकरा बाद ऊ वंदे भारत में लईकन से वार्ता कइलें। बता दीं की रेलवे स्टेशन जाये से पहिले पीएम मोदी गीता प्रेस के शताब्दी वर्ष के समापन समारोह में हिस्सा लेलें।
