पटना। बिहार आ उत्तर प्रदेश के बीचे बेहतर कनेक्टिविटी खातिर एगो आउर नेशनल हाइवे के सौगात केंद्रीय सड़क परिवहन, राजमार्ग मंत्री नितिन गडकरी देले। एह सड़क के माध्यम से पटना से वाराणसी के सफर बहुते आसान हो जाई। बक्सर के सांसद आ केंद्रीय पर्यावरण, वन आ जलवायु परिवर्तन आ उपभोक्ता मामले, खाद्य एवं सार्वजनिक वितरण राज्यमंत्री अश्विनी कुमार चौबे एकरा खातिर प्रधानमंत्री नरेंद्र मोदी आ नितिन गडकरी दुनो के धन्यवाद देले बाड़े। ओहिजा, बिहार सरकार के पूर्व पथ निर्माण मंत्री नितिन नवीन कहले एह सड़क के प्रस्ताव उहे भेजले रहले।
बक्सर से चौसा के बीच अब फोर लेन सड़क बनी। एकरा माध्यम से पटना – आरा – बक्सर फोरलेन हाइवे के सीधे जीटी रोड से कनेक्टिविटी मिली। पटना से भोजपुर (आरा) जिला के कोईलवर के बीच फोरलेन एलिवेटेड रोड के पहिलही मंजूरी मिल चुकल बा, जबकि कोईलवर से बक्सर के बीच फोरलेन हाइवे के काम अंतिम चरण में बा। चौसा (बक्सर) से कैमूर जिला से मोहनिया के बीच फोर लेन हाइवे के मंजूरी मिल चुकल बा। केंद्र सरकार से मंजूर नया हाइवे से बक्सर शहर के बाईपास रोड के सुविधो मिल जाई।
3339910cookie-checkBihar-UP News: बिहार आ उत्तर प्रदेश के सफर अब आ आसान होई, नितिन गडकरी देले फोरलेन हाइवे के सौगात
Comments are closed.