पाकिस्तान अफगानिस्तान के पक्तिका प्रांत के बरमल जिला पs हवाई हमला कईले बा, जवना में महिला अवुरी बच्चा समेत कम से कम 15 लोग के मउत हो गईल बा। मरे वालन के गिनिती बढ़े के उमेद बा. खामा प्रेस के खबर के मुताबिक, 24 दिसंबर के रात में पाकिस्तान के हमला में लमान समेत सात गांव के निशाना बनावल गईल, जहां एगो परिवार के पांच सदस्य के मउत हो गईल। स्थानीय सूत्रन के दावा बा कि एह बमबारी खातिर पाकिस्तानी जेट विमान जिम्मेदार रहलें. खबर बतावत बा कि बरमल के मुर्ग बाजार गाँव पूरा तरह से तबाह हो गइल बा आ एह हमला में कई लोग घवाहिल भी हो गइल बा.
पाकिस्तानी हवाई हमला से स्तब्ध तालिबान
खामा प्रेस के खबर बा कि हवाई हमला के जाँच हो रहल बा आ एकर पुष्टि आ हमला के जिम्मेदारी साफ करे खातिर अउरी जाँच के जरूरत बा. पक्तिका के बरमल पs हवाई हमला के बाद तालिबान के रक्षा मंत्रालय जवाबी कार्रवाई करे के कसम खइले बा. मंत्रालय कहलस कि अपना जमीन आ संप्रभुता के रक्षा कइल ओह लोग के वैध अधिकार हs आ एह हमला के निंदा करत दावा कइलस कि लक्षित पs लोग में “वज़ीरिस्तानी शरणार्थी” शामिल बाड़े.
इहो पढ़ीं: सबेरे-सबेरे: सरीर के फिट राखे खातीर रोज करीं इs 3 गो योगासन
