ईरान के हवाई हमला के जवाब में पाकिस्तान भी आजु सीमा पार से हमला कइलस। पाकिस्तान के हवाई हमला में 4 बच्चा अवुरी 3 महिला समेत कुल 7 लोग के मउत हो गईल बा। एही समय पाकिस्तान कहलस कि ईरान के हवाई हमला में कुल 2 बच्चा के मउत हो गईल। पाकिस्तान ईरान के हवाई हमला के आपन हवाई क्षेत्र के उल्लंघन अवुरी अंतर्राष्ट्रीय नियम के खिलाफ बतवले रहे अवुरी बदला लेवे के बात कईले रहे। एकरा बाद पाकिस्तान भी ईरान पs हमला कईलस| लेकिन पाकिस्तानी सेना के हमला में जवन 7 लोग के मउत भईल उs पाकिस्तानी निकलल। हमनी के इs नईखी कहत, बल्कि पाकिस्तान खुद इहे कहता।
पाकिस्तानी अधिकारी के कहना बा कि एह हमला में मारल गइल लोग ‘सब गैर-ईरानी’ हवें। ईरान के सिएस्तान-ओ-बलूचिस्तान में आतंकी लुकाइल जगहन के निशाना बना के पाकिस्तान के जवाबी हवाई हमला में 7 लोग के मउत हो गइल। इस्लामाबाद देश में ईरानी दूत के भगा दिहला आ तेहरान से अपना राजदूत के वापस बोलावे के एक दिन बाद ईs हमला भइल बा। ईरान आ पाकिस्तान के बीच 900 किलोमीटर लंबा झरझरा सीमा बा जवना से आतंकवादी राष्ट्रन के बीच आज़ादी से घूम सकेलें। एह हफ्ता के शुरुआत में ईरान मंगल के दिने अशांत बलूचिस्तान प्रांत के भीतर पाकिस्तान के आतंकी समूह जैश अल-अदल के निशाना बनावत हमला कइलस।
ईरान आ पाकिस्तान युद्ध के कगार पs
पाकिस्तान के ईरान पs जवाबी हमला से दुनो देश के बीच युद्ध के डर बढ़ गईल बा। एहसे मध्य पूर्व के दोसरा हिस्सा में हिंसा के प्रसार के खतरा भी बढ़ जाला जवन इज़रायल-गाजा युद्ध, ईरान-इजरायल तनाव, यमन, लेबनान, हुतिये, हिजबुल्ला आईएस के चलते पहिलही से काफी उथल-पुथल में बा।
पाकिस्तान कहलस- हम एह आतंकी समूह पs हमला कइनी
पाकिस्तान के दावा बा कि ऊ ईरान में ‘सरमाचर्स’ आतंकी समूह पs हमला कइले बा। ई ईरान के सिएस्तान-ओ-बलूचिस्तान प्रांत में बा। पाकिस्तान कहलस कि ऊ पाकिस्तान मूल के एगो आतंकी समूह के निशाना बनवले बा जवना के नाम बा ‘मार्ग बार सरमाचर्स’। बयान में कहल गइल बा कि पाकिस्तान सरकार ईरान से कई गो बातचीत के दौरान ‘सरमार्च’ पs आपन चिंता जतवले बिया। लेकिन ए मुद्दा पs “कार्रवाई के कमी” रहे। पाकिस्तान एह आतंकियन के मौजूदगी आ गतिविधि के ठोस सबूत वाला कई गो डोजियर साझा करे के भी कहले बा। पाकिस्तान के कहनाम बा कि ‘हालांकि हमनी के गंभीर चिंता पs कार्रवाई ना कईला के चलते इs तथाकथित आतंकी निर्दोष पाकिस्तानी के खून बहावत रहले।’ एही से पाकिस्तान के इs कार्रवाई करे के मजबूरी हो गईल|
Comments are closed.