पहलगाम आतंकी हमला के बाद पाकिस्तान के सबक सिखावे के उलटी गिनती शुरू हो गईल बा। रात भर भारत आ पाकिस्तान के बीच तनाव के माहौल बनल रहे। भारतीय वायुसेना के लड़ाकू विमान रात भर श्रीनगर के आसमान में उड़त रहल। वायुसेना के लड़ाकू विमान के संगे परिवहन विमान भी रात में उड़त रहे। लड़ाकू विमान सीमा के बहुत नजदीक उड़ चुकल बा। एह दौरान Airborne Warning and Control System से लैस विमान दुश्मन पs पूरा नजर राखत रहे| एह दौरान पाकिस्तानी वायुसेना के विमान भी उड़त रहे।
पाकिस्तान के सबक सिखावे के उलटी गिनती शुरू हो गईल
पहलगाम आतंकी हमला से पाकिस्तान के भारी नुकसान होखे वाला बा। भारतीय सेना के तीनों विंग सक्रिय हो गईल बा। जम्मू कश्मीर से लेके अरब सागर तक गतिविधि बढ़े लागल बा। पाकिस्तान से सटल सीमा पs राफेल आसमान में गश्त शुरू कs देले बा। सीमावर्ती गाँवन में जाँच चल रहल बा आ आतंकी लुकाइल जगहन के एक के बाद एक तबाह कइल जा रहल बा. देश के भीतर बईठल गद्दारन पs पूरा नजर राखल जाता।
सेना प्रमुख आतंकी हमला स्थल के दौरा करीहे
आज सेना प्रमुख जनरल उपेन्द्र द्विवेदी श्रीनगर पहुंच रहल बाने। जनरल उपेन्द्र द्विवेदी श्रीनगर में उच्च स्तरीय सुरक्षा बैठक करीहे।
एह सुरक्षा समीक्षा बइठक में नियंत्रण रेखा आ सीमा पs योजना बनावे के बारे में जानकारी दिहल जाई.
मुलाकात के बाद सेना प्रमुख पहलगाम के ओ जगह के दौरा करीहे, जहां आतंकी निहत्था पर्यटक के हत्या कईले रहले।
सेना प्रमुख के संगे पंद्रह कोर कमांडर लेफ्टिनेंट जनरल प्रशांत श्रीवास्तव अवुरी विक्टर फोर्स कमांडर रहीहे।
पहलगाम हमला के बाद भारत आ पाकिस्तान के बीच तनाव के देखत जनरल द्विवेदी के इs यात्रा बहुत महत्वपूर्ण मानल जाता। सेना पूरा कार्रवाई में आ गईल बिया अवुरी नौसेना के आवाजाही भी बढ़ गईल बा।
भारतीय नौसेना अरब सागर में आईएनएस विक्रांत के उतार देले बिया।
आईएनएस विक्रांत में मिग-29के लड़ाकू विमान आ हमलावर हेलीकाप्टर लगावल गइल बा।
बीयफ़ें के दुपहरिया में आईएनएस सूरत युद्धपोत से एs मिसाइल के सफलतापूर्वक परीक्षण कईल गईल। ई मिसाइल समुद्र में मौजूद दुश्मन पs सतह से सटीकता से हमला करेले।
सूत्र के मुताबिक आईएनएस विक्रांत के उपग्रह तस्वीर तब सामने आईल बा जब इs नौसेना के कारवार नौसेना अड्डा से अरब सागर में जात रहे। साथही वायुसेना के लड़ाकू विमानन के दहाड़ से पाकिस्तान के कान फाटे वाला बा.
वायुसेना के ‘आक्रामकता’ के अभ्यास
वायुसेना केंद्रीय क्षेत्र में पैंतराबाजी शुरू कs देले बिया, एs अभ्यास के नाम हमला राखल गईल बा।
एह अभ्यास हमला में राफेल आ सुखोई-30 लड़ाकू विमान शामिल बा.
एहमें अंबाला (हरियाना) आ हाशीमारा (पश्चिम बंगाल) के दू गो राफेल स्क्वाड्रन भाग ले रहल बा.
हालांकि वायुसेना एकरा के रूटीन एक्सरसाइज कहत बिया बाकिर एकर टाइमिंग से पाकिस्तान के नींद ना आवे लागल बा. कवनो बड़ कार्रवाई करे से पहिले घर के भीतर सफाई के काम चलता।
