अक्षय कुमार आजुकाल्ह आपन आवे वाली फिलिम ओएमजी 2 खातिर सुर्खियन में बाड़न। हालही में एह फिलिम के टीजर सोशल मीडिया पs रिलीज भइल जवना के प्रशंसकन के पसंद आइल बा। लेकिन एकरा टीजर में भगवान शिव के अभिषेक रेल पटरी के साइड में पानी से कईल जाता, ए सीन के लेके यूजर के ओर से बहुत हंगामा भईल। एकरा अलावे अवुरी बहुत कारण से कहल जात रहे कि सेंसर बोर्ड ए फिल्म के बहुत सीन पs कैंची के इस्तेमाल करी, हालांकि अयीसन नईखे भईल।
दरअसल, सीबीएफसी (सेंट्रल बोर्ड ऑफ फिल्म सर्टिफिकेशन) से फिल्म के सामने आवे वाला मुद्दा के चलते ओएमजी 2 पछिला कुछ हफ्ता से खबर में बा। अधिकारियन से बहुते बतकही के बाद आखिरकार एह फिलिम के सेंसर बोर्ड से प्रमाणपत्र मिल गइल बा। अक्षय कुमार, पंकज त्रिपाठी आ यामी गौतम अभिनीत अमित राय के निर्देशन में बनल एह फिलिम के ‘ए – एडल्ट ओनली’ प्रमाणपत्र दिहल गइल बा जवना के रन टाइम 2 घंटा 36 मिनट के मंजूरी मिलल बा।
पिछला कुछ दिन से सोशल मीडिया पs एह बात के धूम मचल बा कि सेंसरशिप के मुद्दा के चलते एह फिलिम में कई गो कटौती कइल जाई। खबर के मुताबिक फिल्म में कवनो कटौती ना होई। ओएमजी 2 बिना कवनो कटौती के पास हो गईल बा। एह फिल्म में कुछ खास सीन, संवाद आ किरदार बा जवना के सेंसर बोर्ड के सदस्यन से बतकही के बाद निर्माता लोग संपादित कइले बा।
ओएमजी 2 आ सीबीएफसी के टीम में पिछला 2 हफ्ता से झगड़ा हो रहल बा आ आखिरकार क्रिएटिव टीम विजयी होके सामने आ गइल बा। पहिले इहो खबर आवत रहे कि एह चलते फिल्म देर से रिलीज होखी बाकिर एह खबरन में कवनो सच्चाई नइखे। ओएमजी 2 अपना निर्धारित दिन 11 अगस्त के सिनेमाघरन में रिलीज होखी। अब एह फिलिम के प्रचार अबहीं से शुरू होखे के उमेद बा। बतावल जात बा कि अगिला दू दिन में एह फिलिम के ट्रेलर भी रिलीज हो जाई।
ओएमजी 2 के टीम शुरू में यू/ए सर्टिफिकेट खातिर लड़ाई लड़त रहे, लेकिन पुनरीक्षण समिति के कहला के बाद फिल्म में कई गो कटौती ना भईल। असल में निर्माता फिल्म के मूल कहानी से समझौता ना कइल चाहत रहले आ एही से ऊ लोग एह फिलिम के ए प्रमाणपत्र से फाइनल करे के फैसला कइले। रउरा सभे के बता दी कि एह फिलिम में अक्षय कुमार के अलावे पंकज त्रिपाठी आ यामी गौतम के भी देखे जा रहल बा।
