UPSC CDS परीक्षा : 2023 परीक्षा खातिर अधिसूचना जारी, जानीं आवेदन कइसे करी

By Anurag Ranjan On Dec 27, 2022

UPSC CDS परीक्षा: संघ लोक सेवा आयोग (UPSC) अधिसूचना जारी कs देले बा आ संयुक्त रक्षा सेवा (CDS) परीक्षा 2023 खातिर आवेदन सुरू कs देले बा। इच्छुक आ पात्र उम्मीदवार आधिकारिक वेबसाइट – upsc.gov.in भा upsconline.nic.in पs आवेदन कर सकत बा लोग। आवेदन पत्र जमा करे के अंतिम तिथि 10 जनवरी 2023 सांझ 6 बजे तक बा। अलग-अलग पाठ्यक्रमन खातिर कुल 341 रिक्ति बा।

यूपीएससी सीडीएस परीक्षा I: आवेदन कइसे करी

चरण 1: आधिकारिक वेबसाइट- upsconline.nic.in पs जाई।
चरण 2: ‘परीक्षा के एक बेर पंजीकरण’ लिंक पs क्लिक करी।
चरण 3: आपन विवरण जइसे नाम, जन्म तिथि, लिंग, श्रेणी, माता-पिता के नाम आ आउर जानकारी भरके पंजीकरण करी।
चरण 4: एक बेर पंजीकृत होखला के बाद, आपन लॉगिन आईडी, ओटीपी आ सत्यापन कोड के उपयोग करके लॉगिन करी।
चरण 5: पहिले सबमिट कइल गइल जानकारी के सत्यापित करी आ आवेदन पत्र भरी।
चरण 6: एक बेर आवेदन पत्र भर गइला के बाद जांच कs लीं, जमा करी आ शुल्क के भुगतान करी।
चरण 7: डैशबोर्ड से भविष्य के संदर्भ खातिर शुल्क भुगतान के इस्थिति के संगे आवेदन पत्र डाउनलोड करी।

परीक्षा सुरू होखे से तीन हफ्ते पहिला एडमिट कार्ड जारी कइल जाई।

यूपीएससी के आधिकारिक वेबसाइट – upsc.gov.in पs अधिसूचना में पात्रता, चिकित्सा फिटनेस, शैक्षिक योग्यता के बारे में विवरण के विस्तार से उल्लेख कइल गइल बा।