मरल आदमी के कपड़ा आ गहना पहिरे के चाहीं आ नाहीं? जानीं शास्त्र में एकरी बारे में का लिखल बा
मउत एगो शाश्वत सच्चाई हs। जे जनम लिहल ऊ जिनगी के सफर पूरा कइला के बाद आपन देह छोड़ देला। मरला के बाद खाली ओह व्यक्ति के याद आ ओकरा से जुड़ल चीज हमनी के साथ रह जाला। अइसना में आज हम बताइब कि मरल आदमी के चीजन के इस्तेमाल करे के चाहीं कि ना. एह बारे में शास्त्र में का लिखल बा, एकरा बारे में विस्तार से जानल जाव।
मृतक व्यक्ति के गहना पहिरे के चाहि आ नाहीं
गरुड़ पुराण में कहल गइल बा कि मरे वाला के गहना ना पहिरे के चाहीं। रउरा एह गहना के स्मृति चिन्ह के रूप में अपना साथे राख सकीलें बाकिर एकरा के पहिरला से मरे वाला के आत्मा अपना ओर आकर्षित हो सकेला आ ओकरा माया के बंधन तूड़े में दिक्कत हो सकेला. हालांकि, जदी केहु मरला से पहिले आपके आपन गहना गिफ्ट कईले बा, तs आप ओकरा के पहिर सकतानी। एकरे साथ-साथ मृतक के गहना के नया आकार दे के मने कि पिघला के आ फिर नया डिजाइन में ढाल के भी पहिरल जा सके ला।
मरल आदमी के कपड़ा पहिरल ठीक बा कि गलत?
गरुड़ पुराण के अनुसार गलती से भी मरे वाला के कपड़ा ना पहिरे के चाही। कपड़ा आत्मा के भी आकर्षित करेला, खास तौर पs जदी परिवार के लोग कवनो मरेवाला आदमी के कपड़ा पहिनले तs एकर बुरा असर हो सकता। एकरा चलते मरे वाला के आत्मा आसक्ति के बंधन के आसानी से तोड़े में सक्षम ना हो पावेला अवुरी भटकत रहेले। मरेवाला के कपड़ा पहिरला से पितृ दोष से भी प्रभावित हो सकतानी। एहसे मरेवाला के करीबी लोग के इs कपड़ा पहिरे से परहेज करे के चाही। हालांकि रउरा एह कपड़ा के अनजान लोग के उपहार में दे सकेनी भा दान में दे सकेनी.
मृतक से जुड़ल दोसर चीजन के का कइल जाव
रउरा मरे वाला से जुड़ल दोसर चीजन के कहीं स्मृति चिन्ह के रूप में बचा के राखे के चाहीं भा केहू के दान में देबे के चाहीं. गलती से भी मृतक के घड़ी कबो ना पहिरे के चाही, अयीसन कईला से पितरदोष भी हो सकता। मृतक के इस्तेमाल होखे वाला कंघी, दाढ़ी के सामान, ग्रूमिंग के सामान भा दोसरा रोज इस्तेमाल होखे वाला सामान के भी दान में देवे के चाही चाहे नष्ट कs देवे के चाही। मानल जाता कि जवना बिछौना प मरेवाला सुतल रहे, उहो दान में देवे के चाही। एकरा संगे शास्त्र में लिखल बा कि मृतक के कुंडली घर में ना राखे के चाही, मंदिर में राखे के चाही चाहे पवित्र नदी में के चाही। अयीसन कईला से मृतक के आत्मा के मुक्ति मिले में मदद मिलेला।
Comments are closed.